مجمع الزوائد ومنبع الفوائد

سیدنا عقبہ بن عامر رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” مسلمان ، مسلمان کا بھائی ہے مسلمان کے لئے یہ بات جائز نہیں ہے کہ وہ اپنے سامان کے حوالے سے ( عیب والی کوئی چیز ) اپنے بھائی سے پوشیدہ رکھے کہ اگر اس بھائی کو اس عیب کو پتہ چل جائے گا تو وہ اسے چھوڑ دے گا“ ۔
یہ روایت امام أحمد نے نقل کی ہے اور اس کے الفاظ ان کے نقل کردہ ہیں ۔

امام طبرانی نے معجم اوسط میں سیدنا عقبہ بن عامر رضی اللہ عنہ کے حوالے سے یہ بات نقل کی ہے وہ بیان کرتے ہیں : نبی اکرم صلی اللہ علیہ وسلم نے ارشاد فرمایا : ” جب کوئی شخص سامان فروخت کرے تو وہ عیب کو نہ چھپائے اگر اس سامان میں عیب موجود ہو “ ۔ ان دونوں روایات کی سند میں ایک راوی ابن لہیعہ ہے اور اس کے بارے میں کلام کیا گیا ہے اور اس کی نقل کردہ حدیث حسن ہے اس روایت کے بقیہ رجال صحیح کے رجال ہیں ۔