مجمع الزوائد ومنبع الفوائد

سیدنا عبداللہ بن عمر رضی اللہ عنہما نبی اکرم صلی اللہ علیہ وسلم کا یہ فرمان نقل کرتے ہیں : ” تمام مکھیاں جہنم میں جائیں گی صرف شہد کی مکھی کا معاملہ مختلف ہے “ ۔ ( راوی بیان کرتے ہیں : ) نبی اکرم صلی اللہ علیہ وسلم نے انہیں مارنے سے اور دشمن کی سرزمین پر کسی چیز کو جلانے سے منع کیا ہے ۔
یہ روایت امام طبرانی نے معجم اوسط اور معجم کبیر میں مختلف اسانید کے ساتھ نقل کی ہے جن میں سے بعض کے تمام رجال ثقہ ہیں امام بزار نے یہ روایت اختصار کے ساتھ نقل کی ہے ۔ ( علامہ ہیثمی فرماتے ہیں : ) میں یہ کہتا ہوں : سیدنا ابوزہیر رضی اللہ عنہ کے حوالے سے ایک حدیث پہلے گزر چکی ہے ، جو ٹڈی دل کو مارنے کے بارے میں ہے اور یہ ٹڈی دل سے متعلق باب میں گزری ہے ۔