مجمع الزوائد ومنبع الفوائد

سیدنا ابودرداء رضی اللہ عنہ بیان کرتے ہیں : ہم نے عرض کی : یا رسول اللہ ! منی کا معاملہ حیران کن ہے کیونکہ یہ تنگ جگہ ہے لیکن جب لوگ یہاں پڑاؤ کرتے ہیں تو یہ کشادہ ہو جاتی ہے ۔ نبی اکرم صلی اللہ علیہ وسلم نے ارشاد فرمایا : منی کی مثال رحم کی مانند ہے ، جو تنگ ہوتا ہے لیکن جب عورت حاملہ ہوتی ہے ، تو اللہ تعالی ( اس رحم کو ) کشادہ کر دیتا ہے ۔
یہ روایت امام طبرانی نے معجم صغیر اور معجم اوسط میں نقل کی ہے اس کی سند میں ایک ایسا راوی ہے ، جس سے میں واقف نہیں ہوں ۔