مجمع الزوائد ومنبع الفوائد

سیدنا شریح بن ابرہہ رضی اللہ عنہ بیان کرتے ہیں : میں نے نبی اکرم صلی اللہ علیہ وسلم کو ایام تشریق میں تکبیر کہتے ہوئے دیکھا یہاں تک کہ آپ منٰی سے نکل گئے آپ ہر نماز کے بعد تکبیر کہتے تھے ۔

ایک روایت میں یہ الفاظ ہیں : آپ نے ایام تشریق میں قربانی کے دن ظہر کی نماز کے بعد سے تکبیر کہنا شروع کی اور اس وقت تک کہتے رہے جب تک آپ منی سے تشریف نہیں لے گئے ۔
یہ روایت امام طبرانی نے معجم کبیر میں نقل کی ہے اور معجم اوسط میں اس کی مانند نقل کی ہے اس کی سند میں ایک راوی شرقی بن قطامی ہے اور وہ ضعیف ہے ۔

ابواسحاق بیان کرتے ہیں : سیدنا عبداللہ رضی اللہ عنہ کے شاگردوں نے سیدنا عبداللہ رضی اللہ عنہ کے حوالے سے ہمیں یہ بات بیان کی ہے کہ وہ عرفہ کے دن صبح کی نماز کے بعد تکبیر کہتے تھے اور قربانی کے دن عصر کی نماز کے بعد کہنا ” موقوف “ کرتے تھے جب وہ عصر کی نماز ادا کر لیتے تھے تو تکبیر کہتے تھے راوی بیان کرتے ہیں : وہ تکبیر میں یہ پڑھتے تھے : «اللَّهُ اكْبَرَ لَا إِلَهَ إِلَّا اللَّهَ وَاللَّهُ اکبر وَالْحَمْدُ اللَّهِ» ۔
یہ روایت امام طبرانی نے معجم کبیر میں نقل کی ہے اور اس کے رجال صحیح کے رجال ہیں البتہ ابواسحاق نامی راوی نے یہ بات بیان نہیں کی کہ انہیں کس نے
یہ روایت بیان کی ہے ۔