مجمع الزوائد ومنبع الفوائد

سیدنا عبداللہ بن عمرو رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” جو شخص وضو کرتے ہوئے ، اچھی طرح وضو کرے ، پھر چار رکعات ادا کرے ، جن کے درمیان وہ سہو کا شکار نہ ہو ، تو اُس شخص کی مغفرت ہو جاتی ہے “ ۔
یہ روایت امام بزار نے نقل کی ہے ، اس کی سند میں ایک راوی عبدالکریم بن ابوالمخارق ہے ، اور وہ ضعیف ہے ۔

ربیعہ بن قیس بیان کرتے ہیں : انہوں نے سیدنا عقبہ بن عامر رضی اللہ عنہ کو یہ فرماتے ہوئے سنا ہے : وہ بیان کرتے ہیں : میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے : ” جو شخص وضو کرتے ہوئے ، اچھی طرح وضو کرے ، پھر نماز ادا کرے ، جس میں سہو کا شکار نہ ہو ، اور لہو کا شکار نہ ہو ، تو اُس شخص کے گناہوں کو ختم کر دیا جاتا ہے “ ۔
یہ روایت امام طبرانی نے معجم کبیر میں دو اسناد کے ساتھ نقل کی ہے ، جن میں سے ایک سند میں ایک راوی ابن لہیعہ ہے ، اور اس کے بارے میں کلام کیا گیا ہے ۔