مجمع الزوائد ومنبع الفوائد

سیدنا ابومحذوره رضی اللہ عنہ بیان کرتے ہیں : نبی اکرم صلی اللہ علیہ وسلم نے ( مکہ مکرمہ میں ) اذان ہمارے لئے اور ہمارے موالی کے لئے مقرر کی تھی سقایہ بنو باشم کے لئے اور حجامہ بنو عبددار کے لئے مقرر کیا تھا ۔
یہ روایت امام أحمد نے نقل کی ہے ، اس کی سند میں ایک راوی ایسا ہے ، جس کا نام بیان نہیں کیا گیا ہے ۔

سیدنا عقبہ بن عبدان رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” خلافت قریش میں رہے گی حکم ( یعنی عدالتی فیصلہ کرنے کا منصب ) انصار میں رہے گا ، اور دعوت حبشیوں میں رہے گی“ ۔
یہ روایت امام أحمد نے نقل کی ہے ، اور اس کے رجال کی توثیق کی گئی ہے ۔

سیدنا ابواسید رضی اللہ عنہ بیان کرتے ہیں : جب نبی اکرم صلی اللہ علیہ وسلم مکہ تشریف لائے تو سیدنا ابومحذورہ رضی اللہ عنہ آپ کی خدمت میں حاضر ہوئے انہوں نے آپ کی خدمت میں عرض کی : یا رسول اللہ ! آپ مجھے اجازت دیجئے کہ میں اذان دیا کروں ۔ نبی اکرم صلی اللہ علیہ وسلم نے ان سے فرمایا تم اذان دو تو سیدنا بلال رضی اللہ عنہ اذان دیا کرتے تھے جب نبی اکرم صلی اللہ علیہ وسلم واپس تشریف لے گئے تو پھر سیدنا ابومحذورہ رضی اللہ عنہ اذان دیتے تھے ۔
یہ روایت امام بزار نے نقل کی ہے ، اس کی سند میں ایک راوی واقدی ہے ، اور وہ ” ضعیف“ ہے ۔ ( علامہ ہیثمی فرماتے ہیں : ) میں یہ کہتا ہوں : سیدنا ابوہریرہ رضی اللہ عنہ کے حوالے سے منقول حدیث جسے امام ترمندی نے روایت کیا ہے وہ خلافت سے متعلق باب میں آگے آئے گی اگر اللہ نے چاہا ۔