مجمع الزوائد ومنبع الفوائد

سیدنا علی بن ابوطالب رضی اللہ عنہ بیان کرتے ہیں : جب اللہ تعالیٰ نے یہ ارادہ کیا کہ اپنے رسول کو اذان کا طریقہ تعلیم دے ، تو سیدنا جبرائیل علیہ السلام نبی اکرم صلی اللہ علیہ وسلم کے پاس ایک جانور لے کے آئے جسے براق کہا: جاتا تھا نبی اکرم صلی اللہ علیہ وسلم اس پر سوار ہونے لگے ، تو وہ شوخی کرنے لگا سیدنا جبرائیل نے اس سے کہا: تم پر سکون ہو جاؤ اللہ کی قسم تم پر ایسا کوئی بندہ سوار نہیں ہوا جو اللہ تعالی کے نزدیک سیدنا محمد صلی اللہ علیہ وسلم سے زیادہ معزز ہوراوی بیان کرتے ہیں : تو نبی اکرم صلی اللہ علیہ وسلم اس پر سوار ہوئے یہاں تک کہ آپ اس حجاب تک پہنچ گئے جو رحمان کے پاس ہے آپ وہاں موجود تھے اسی دوران حجاب میں سے ایک فرشتہ باہر آیا نبی اکرم صلی اللہ علیہ وسلم نے دریافت کیا : اے جبرائیل یہ کون ہے ؟ انہوں نے عرض کی : اس ذات کی قسم جس نے آپ کو حق کے ہمراہ مبعوث کیا ہے جگہ کے اعتبار سے میں مخلوق میں سے سب سے زیادہ قریب ہوں لیکن جب سے میں پیدا ہوا ہوں اس گھڑی سے پہلے میں نے اس فرشتے کو کبھی نہیں دیکھا اس فرشتے نے کہا: اللہ اکبر اللہ اکبر تو حجاب کے پرے سے اس سے کہا: گیا میرے بندے نے سچ کہا: ہے میں سب سے بڑا ہوں میں سب سے بڑا ہوں پھر فرشتے نے یہ پڑھا میں اس بات کی گوہی دیتا ہوں کہ اللہ تعالیٰ کے علاوہ اور کوئی معبود نہیں ہے ، تو حجاب کے پیچھے سے یہ کہا: گیا کہ میرے بندے نے سچ کہا: ہے میرے علاوہ اور کوئی معبود نہیں ہے فرشتے نے کہا: کہ میں اس بات کی گواہی دیتا ہوں کہ سیدنا محمد صلی اللہ علیہ وسلم اللہ کے رسول ہیں تو حجاب کے پیچھے سے کہا: گیا میرے بندے نے سچ کہا: ہے میں نے سیدنا محمد صلی اللہ علیہ وسلم کو مبعوث کیا ہے فرشتے نے کہا: نماز کی طرف آؤ کامیابی کی طرف آؤ نماز کھڑی ہو گئی ہے پھر اس نے کہا: اللہ اکبر اللہ اکبر تو حجاب کے پیچھے سے کہا: گیا میرے بندے نے سچ کہا: ہے میں سب سے بڑا ہوں میں سب سے بڑا ہوں پھر فرشتے نے پڑھا لا الہ الا اللہ تو حجاب کے پیچھے سے کہا: گیا میرے بندے نے سچ کہا: ہے میرے علاوہ اور کوئی معبود نہیں ہے راوی بیان کرتے ہیں : پھر فرشتے نے سیدنا محمد صلی اللہ علیہ وسلم کا ہاتھ پکڑا اور انہیں آگے کر دیا تو نبی اکرم صلی اللہ علیہ وسلم نے تمام آسمان والوں کی امامت کروائی جن میں سیدنا آدم علیہ السلام اور سیدنا نوح علیہ السلام بھی موجود تھے امام ابوجعفر محمد بن علی ( یعنی امام باقر ) فرماتے ہیں : اس دن اللہ تعالیٰ نے تمام آسمان والوں اور زمین والوں پر سیدنا محمد صلی اللہ علیہ وسلم کے شرف کو مکمل کر دیا ۔
یہ روایت امام بزار نے نقل کی ہے ، اس کی سند میں ایک راوی زیاد بن منذر ہے ، جس کے ضعیف ہونے پر اتفاق ہے ۔

سیدنا عبداللہ بن عمر رضی اللہ عنہما بیان کرتے ہیں : جب نبی اکرم صلی اللہ علیہ وسلم کو آسمان کی طرف لے جایا گیا تو اللہ تعالیٰ نے آپ کی طرف اذان کا طریقہ وحی کیا آپ اس کا حکم لے کر نازل ہوئے سیدنا جبرائیل علیہ السلام نے آپ کو اس کے بارے میں تعلیم دی ۔
یہ روایت امام طبرانی نے معجم اوسط میں نقل کی ہے ، اس کی سند میں ایک راوی طلحہ بن زید ہے ، جس کی نسبت حدیث ایجاد کرنے کی طرف کی گئی ہے ۔

سیدنا بریدہ رضی اللہ عنہ بیان کرتے ہیں : انصار سے تعلق رکھنے والا ایک شخص نبی اکرم صلی اللہ علیہ وسلم کے پاس سے گزرا آپ پریشان لگ رہے تھے وہ شخص کھانا پکایا کرتا تھا اور لوگ اس کے پاس اکھٹے ہوا کرتے تھے وہ شخص مسجد میں داخل ہوا اور نماز ادا کرنے لگا ابھی وہ اسی حالت میں تھا کہ اسے اونگھ آ گئی خواب میں ایک شخص اس کے پاس آیا اور بولا: کیا تم جانتے ہو نبی اکرم صلی اللہ علیہ وسلم کس سلسلے میں پریشان ہیں ۔ اس کے بعد راوی نے اذان سے متعلق پورا واقعہ نقل کیا ہے ، تو نبی اکرم صلی اللہ علیہ وسلم نے ارشاد فرمایا : ” تم نے مجھے جو بات بتائی ہے وہ ابوبکر کو بھی بتاؤ اور تم لوگ بلال کو یہ کہو کہ وہ اس طرح اذان دے “ ۔
یہ روایت امام طبرانی نے معجم اوسط میں نقل کی ہے ، اس کی سند میں ایسا راوی بھی ہے ، جس کے بارے میں کلام کیا گیا ہے ، اور وہ ” ثقہ “ ہے ۔