مجمع الزوائد ومنبع الفوائد

سیدنا ابوموسی اشعری رضی اللہ عنہ بیان کرتے ہیں : ایک مرتبہ نبی اکرم صلی اللہ علیہ وسلم لوگوں کو نماز پڑھا رہے تھے ، اسی دوران ایک شخص مسجد میں آیا اور مسجد میں موجود ایک گڑھے میں گر گیا ، اس شخص کی بینائی کمزور تھی ، تو بہت سے لوگ ہنس پڑے ، حالانکہ وہ لوگ نماز پڑھ رہے تھے ، تو ( نماز کے بعد ) نبی اکرم صلی اللہ علیہ وسلم نے ارشاد فرمایا : جو شخص ( نماز کے دوران ) ہنس پڑا تھا وہ دوبارہ وضو کر کے ، دوبارہ نماز ادا کرے ۔
یہ روایت امام طبرانی نے معجم کبیر میں نقل کی ہے ، اس کی سند میں ایک راوی محمد بن عبدالملک دقیقی ہے ، میں نے کسی کو اس کے حالات ذکر کرتے ہوئے نہیں دیکھا ہے ، اس روایت کے بقیہ رجال کی توثیق کی گئی ہے ۔