مجمع الزوائد ومنبع الفوائد

سیدنا وابصہ بن معبد رضی اللہ عنہ بیان کرتے ہیں : میں نے اللہ کے رسول سے ہر چیز کے بارے میں سوال کیا ، یہاں تک کہ میں نے آپ صلی اللہ علیہ وسلم سے اُس میل کے بارے میں بھی سوال کیا ، جو ناخنوں میں ہوتی ہے ، تو آپ صلی اللہ علیہ وسلم نے فرمایا : ” جو چیز تمہیں شک میں مبتلا کرے ، اُسے چھوڑ کر ، اُس چیز کی طرف جاؤ ، جو تمہیں شک میں مبتلا نہ کرے “ ۔
یہ روایت امام طبرانی نے معجم کبیر میں نقل کی ہے ، اس کی سند میں ایک راوی طلحہ بن زید رقی ہے ، جس کے ضعیف ہونے پر اتفاق پایا جاتا ہے ۔

سیدنا عبداللہ بن مسعود رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” کیا وجہ ہے کہ میں وہم کا شکار نہ ہوؤں ، جبکہ تم میں سے کسی ایک کی گندگی اُس کے پوروں اور ناخنوں کے درمیان ہوتی ہے “ ۔
یہ روایت امام بزار نے نقل کی ہے ، اس کی سند میں ایک راوی ضحاک بن زید ہے ، ابن حبان کہتے ہیں : اس سے استدلال کرنا جائز نہیں ہے ۔