مجمع الزوائد ومنبع الفوائد

وَعَنِ ابْنِ عَبَّاسٍ قَالَ : انْتَهَى عَبْدُ اللَّهِ بْنُ مَسْعُودٍ إِلَى أَبِي جَهْلِ يَوْمَ بَدْرٍ وَهُوَ رَقِيدٌ فَاسْتَلَّ سَيْفَهُ فَضَرَبَ عُنُقَهُ فَنَدَرَ رَأْسَهُ ثُمَّ أَخَذَ سَلَبَهُ فَأَتَى النَّبِيَّ - صَلَّى اللَّهُ عَلَيْهِ وَسَلَّمَ - فَأَخْبَرَهُ أَنَّهُ قَتَلَ أَبَا جَهْلٍ فَاسْتَحْلَفَهُ بِاللَّهِ ثَلَاثَ مَرَّاتٍ فَحَلَفَ فَجَعَلَ لَهُ سَلَبَهُ . ¤ رَوَاهُ الطَّبَرَانِيُّ وَفِيهِ إِسْمَاعِيلُ بْنُ أَبِي إِسْحَاقَ أَبُو إِسْرَائِيلَ الْمُلَائِيُّ وَهُوَ ضَعِيفٌ وَقَالَ أَحْمَدُ : يُكْتَبُ حَدِيثُهُ . ¤

سیدنا عبداللہ بن عباس رضی اللہ عنہما بیان کرتے ہیں : سیدنا عبداللہ بن مسعود رضی اللہ عنہ غزوہ بدر کے دن ابوجہل کے پاس آئے وہ اس وقت زخمی حالت میں پڑا ہوا تھا ۔ سیدنا عبداللہ بن مسعود رضی اللہ عنہ نے تلوار نکالی اور اس کی گردن اڑا دی اور اس کا سر تن سے جدا کر دیا پھر انہوں نے ابوجہل کا سامان لیا اور نبی اکرم صلی اللہ علیہ وسلم کے پاس آئے آپ کو اس بارے میں بتایا کہ انہوں نے ابوجہل کو قتل کر دیا ہے نبی اکرم صلی اللہ علیہ وسلم نے ان سے اللہ کے نام پر تین مرتبہ حلف لیا انہوں نے حلف اٹھا لیا ، تو نبی اکرم صلی اللہ علیہ وسلم نے ابوجہل کا سامان انہیں دے دیا ۔
یہ روایت امام طبرانی نے نقل کی ہے ۔ اس کی سند میں ایک راوی اسماعیل بن ابواسحاق ابواسرائیل ملائی ہے اور وہ ضعیف ہے ۔ امام أحمد کہتے ہیں : اس کی نقل کردہ حدیث کو نوٹ کیا جائے گا ۔