مجمع الزوائد ومنبع الفوائد

وَعَنْ أَبِي لَبِيدٍ لِمَازَةَ بْنِ زِيَادٍ قَالَ : أُرْسِلَتِ الْخَيْلُ زَمَنَ الْحَجَّاجِ وَالْحَكَمُ بْنُ أَيُّوبَ أَمِيرٌ عَلَى الْبَصْرَةِ فَقُلْنَا : لَوْ أَتَيْنَا الرِّهَانَ فَأَتَيْنَاهُ ثُمَّ قُلْنَا : لَوْ مِلْنَا إِلَى أَنَسِ بْنِ مَالِكٍ فَسَأَلْنَاهُ : هَلْ كُنْتُمْ تُرَاهِنُونَ عَلَى عَهْدِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - ؟ قَالَ : فَأَتَيْنَاهُ فَقَالَ : نَعَمْ ، لَقَدْ رَاهَنَ عَلَى فَرَسٍ يُقَالُ لَهُ : سُبْحَةُ فَسَبَقَ النَّاسَ فَهَشَّ لِذَلِكَ وَأَعْجَبَهُ . ¤ رَوَاهُ أَحْمَدُ وَالطَّبَرَانِيُّ فِي الْأَوْسَطِ إِلَّا أَنَّهُ قَالَ : فَأَتَيْنَاهُ وَهُوَ فِي قَصْرِهِ بِالزَّاوِيَةِ فَسَأَلْنَاهُ : يَا أَبَا حَمْزَةَ أَكُنْتُمْ تُرَاهِنُونَ عَلَى عَهْدِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - ؟ أَوَكَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يُرَاهِنُ ؟ قَالَ : نَعَمْ وَاللَّهِ لَقَدْ رَاهَنَ عَلَى فَرَسٍ يُقَالُ لَهُ سُبْحَةُ : فَسَبَقَ النَّاسَ فَهَشَّ لِذَلِكَ وَأَعْجَبَهُ . ¤ وَرِجَالُ أَحْمَدَ ثِقَاتٌ . ¤

ابولبید لمازه بن زیاد بیان کرتے ہیں : حجاج کے زمانہ میں گھوڑے بلوائے گئے حکم بن ایوب ان دنوں بصرہ کے گورنر تھے ہم نے کہا: اگر ہم مقابلے میں حصہ لینے کے لئے جائیں ، تو ہم وہاں جاتے ہیں پھر ہم نے سوچا ہمیں پہلے سیدنا انس بن مالک رضی اللہ عنہ کے پاس جا کر ان سے دریافت کر لینا چاہیے کہ کیا آپ لوگ نبی اکرم صلی اللہ علیہ وسلم کے زمانہ اقدس میں گھڑ دوڑ کیا کرتے تھے ۔ راوی کہتے ہیں : ہم نے ان سے دریافت کیا : تو انہوں نے فرمایا : جی ہاں نبی اکرم صلی اللہ علیہ وسلم نے ایک گھوڑے پر سوار ہو کر دوڑ میں حصہ لیا تھا ، جس کا نام سبحہ تھا وہ لوگوں سے آگے نکل گیا تو نبی اکرم صلی اللہ علیہ وسلم اس بات پر خوش ہوئے اور آپ کو یہ بات اچھی لگی ۔
یہ روایت امام أحمد نے اور امام طبرانی نے معجم اوسط میں نقل کی ہے تا ہم انہوں نے یہ لفظ نقل کیے ہیں : ہم سیدنا انس رضی اللہ عنہ کے پاس آئے وہ اس وقت زاویہ میں اپنے محل میں موجود تھے ہم نے ان سے سوال کیا اے ابوحمزہ کیا آپ لوگ نبی اکرم صلی اللہ علیہ وسلم کے زمانہ اقدس میں گھڑ دوڑ میں حصہ لیتے تھے ؟ یا کیا نبی اکرم صلی اللہ علیہ وسلم گھڑ دوڑ میں حصہ لیتے تھے ؟ تو انہوں نے جواب دیا : جی ہاں ۔ اللہ کی قسم ! نبی اکرم صلی اللہ علیہ وسلم نے ایک گھوڑے پر سوار ہو کر دوڑ میں حصہ لیا تھا ، جس کا نام ” سبحہ “ تھا آپ لوگوں سے آگے نکل گئے تو آپ کو یہ بات اچھی لگی اور پسند آئی ۔ امام أحمد کے رجال ثقہ ہیں ۔