مجمع الزوائد ومنبع الفوائد

وَعَنْ حُذَيْفَةَ بْنِ الْيَمَانِ قَالَ : قَالُوا : يَا رَسُولَ اللَّهِ أَلَا تَسْتَخْلِفُ عَلَيْنَا ؟ قَالَ : " إِنِّي إِنْ أَسْتَخْلِفْ عَلَيْكُمْ فَتَعْصَوْنَ خَلِيفَتِي يَنْزِلْ عَلَيْكُمُ الْعَذَابُ " . قَالُوا : أَلَا نَسْتَخْلِفُ أَبَا بَكْرٍ ؟ قَالَ : " إِنْ تَسْتَخْلِفُوهُ تَجِدُوهُ ضَعِيفًا فِي بَدَنِهِ قَوِيًّا فِي أَمْرِ اللَّهِ " قَالُوا : أَلَا نَسْتَخْلِفُ عُمَرَ ؟ قَالَ : " إِنْ تَسْتَخْلِفُوهُ تَجِدُوهُ قَوِيًّا فِي بَدَنِهِ قَوِيًّا فِي أَمْرِ اللَّهِ " . قَالُوا : أَلَا نَسْتَخْلِفُ عَلِيًّا ؟ قَالَ : " إِنْ تَسْتَخْلِفُوهُ ، وَلَنْ تَفْعَلُوا يَسْلُكْ بِكُمُ الطَّرِيقَ الْمُسْتَقِيمَ ، وَتَجِدُوهُ هَادِيًا مَهْدِيًّا " . ¤ رَوَاهُ الْبَزَّارُ وَفِيهِ أَبُو الْيَقْظَانِ عُثْمَانُ بْنُ عُمَيْرٍ ، وَهُوَ ضَعِيفٌ . ¤

سیدنا حذیفہ بن یمان رضی اللہ عنہ بیان کرتے ہیں : لوگوں نے عرض کی : یا رسول اللہ ! آپ ہم پر کسی کو خلیفہ مقرر نہیں کرتے ؟ نبی اکرم صلی اللہ علیہ وسلم نے فرمایا : اگر میں نے تم پر کسی کو خلیفہ مقرر کیا اور تم نے میرے خلیفہ کی نافرمانی کی ، تو تم پر عذاب نازل ہو گا لوگوں نے عرض کی : ہم سیدنا ابوبکر رضی اللہ عنہ کو خلیفہ نہ بنا لیں ؟ نبی اکرم صلی اللہ علیہ وسلم نے فرمایا : اگر تم اسے خلیفہ بناتے ہو تو تم اسے جسمانی طور پر کمزور لیکن اللہ کے معاملے میں قوی پاؤ گے لوگوں نے عرض کی : کیا ہم سیدنا عمر رضی اللہ عنہ کو خلیفہ نہ بنا لیں ؟ نبی اکرم صلی اللہ علیہ وسلم نے فرمایا : اگر تم اسے خلیفہ بناتے ہو ، تو تم اسے جسمانی طور پر قوی اور اللہ کے معاملے میں بھی قوی پاؤ گے لوگوں نے عرض کی : کیا ہم سیدنا علی رضی اللہ عنہ کو خلیفہ نہ بنا لیں ؟ نبی اکرم صلی اللہ علیہ وسلم نے فرمایا : اگر تم اسے خلیفہ بناتے ہو ، ویسے تم ایسا کرو گے ، تو نہیں ، تو وہ تمہیں سیدھے راستے پر لے کے چلے گا ، اور تم اسے ہدایت دینے والا اور ہدایت کا مرکز پاؤ گے ۔
یہ روایت امام بزار نے نقل کی ہے ۔ اس کی سند میں ایک راوی ابویقظان عثمان بن عمیر ہے ، اور وہ ضعیف ہے ۔