مجمع الزوائد ومنبع الفوائد

عَنْ عَلِيٍّ أَنَّ امْرَأَةَ الْوَلِيدِ بْنِ عُقْبَةَ أَتَتِ النَّبِيَّ - صَلَّى اللَّهُ عَلَيْهِ وَسَلَّمَ - فَقَالَتْ : يَا رَسُولَ اللَّهِ إِنَّ الْوَلِيدَ يَضْرِبُهَا - قَالَ نَصْرُ بْنُ عَلِيٍّ فِي حَدِيثِهِ : تَشْكُوهُ - قَالَ : " قَوْلِي لَهُ قَدْ أَجَارَنِي " قَالَ عَلِيٌّ : فَلَمْ تَلْبَثْ إِلَّا يَسِيرًا حَتَّى رَجَعَتْ ، فَقَالَتْ : مَا زَادَنِي إِلَّا ضَرْبًا ، فَأَخَذَ هُدْبَةً مِنْ ثَوْبِهِ فَدَفَعَهَا إِلَيْهَا ، فَقَالَ : " قَوْلِي لَهُ إِنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَدْ أَجَارَنِي " فَلَمْ تَلْبَثْ إِلَّا يَسِيرًا حَتَّى رَجَعَتْ فَقَالَتْ : مَا زَادَنِي إِلَّا ضَرْبًا ، فَرَفَعَ يَدَيْهِ فَقَالَ : " اللَّهُمَّ عَلَيْكَ الْوَلِيدَ أَثِمَ بِي ، مَرَّتَيْنِ " . ¤ رَوَاهُ عَبْدُ اللَّهِ بْنُ أَحْمَدَ ، وَالْبَزَّارُ ، وَأَبُو يَعْلَى ، وَرِجَالُهُ ثِقَاتٌ . ¤

سیدنا علی رضی اللہ عنہ بیان کرتے ہیں : ولید بن عقبہ کی بیوی نبی اکرم صلی اللہ علیہ وسلم کی خدمت میں حاضر ہوئی اس نے عرض کی : یا رسول اللہ ! ولید نے اس کی پٹائی کی ہے نصر بن علی نے اپنی روایت میں یہ الفاظ نقل کیے ہیں اس عورت نے نبی اکرم صلی اللہ علیہ وسلم سے شکایت کی نبی اکرم صلی اللہ علیہ وسلم نے فرمایا : تم اس سے جا کے کہو کہ نبی اکرم صلی اللہ علیہ وسلم نے مجھے پناہ دیدی ہے سیدنا علی رضی اللہ عنہ کہتے ہیں : تھوڑی دیر گزرنے کے بعد وہ عورت پھر واپس آ گئی اور بولی: اس نے میری مزید پٹائی کی ہے ۔ نبی اکرم صلی اللہ علیہ وسلم نے اپنے کپڑے کا ٹکڑا لیا اور فرمایا تم اسے یہ کہہ دو کہ اللہ کے رسول نے مجھے پناہ دیدی ہے تھوڑی دیر گزرنے کے بعد وہ عورت واپس آئی اور بولی: اس نے مزید میری پٹائی کی ہے ، تو نبی اکرم صلی اللہ علیہ وسلم نے اپنے دونوں ہاتھ بلند کیے اور فرمایا : اے اللہ ! تو ولید کی گرفت کر اس نے میری نافرمانی کی ہے یہ بات آپ نے دو مرتبہ فرمائی ۔
یہ روایت عبداللہ بن أحمد ، امام بزار اور امام ابویعلیٰ نے نقل کی ہے ۔ اور اس کے رجال ثقہ ہیں ۔