مجمع الزوائد ومنبع الفوائد

وَعَنْ أَنَسِ بْنِ مَالِكٍ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ : " السَّاعِي عَلَى وَالِدَيْهِ لِيَكُفَّهُمَا أَوْ يُغْنِيَهُمَا عَنِ النَّاسِ فَهُوَ فِي سَبِيلِ اللَّهِ وَالسَّاعِي عَلَى نَفْسِهِ لِيُغْنِيَهَا أَوْ يَكُفَّهَا عَنِ النَّاسِ فَهُوَ فِي سَبِيلِ اللَّهِ وَالسَّاعِي مُكَاثَرَةً فِي سَبِيلِ الشَّيْطَانِ ؟ " . ¤ رَوَاهُ الطَّبَرَانِيُّ فِي الْأَوْسَطِ ، وَفِيهِ إِسْحَاقُ بْنُ سَيِّدٍ ، وَهُوَ ضَعِيفٌ ، وَحَدِيثُ أَبِي هُرَيْرَةَ فِي الْبِرِّ وَالصِّلَةِ [ وَكَذَلِكَ السَّعْيُ عَنِ الْأَوْلَادِ وَالْإِخْوَةِ ] . ¤

سیدنا انس بن مالک رضی اللہ عنہ بیان کرتے ہیں : نبی اکرم صلی اللہ علیہ وسلم نے ارشاد فرمایا : ” اپنے ماں باپ کے لئے کمانے والا ، تاکہ انہیں بچا کے رکھے یا انہیں لوگوں سے بے نیاز رکھے وہ اللہ کی راہ میں شمار ہوتا ہے اپنی ذات کے لئے کمانے والا تاکہ اپنے آپ کو ( لوگوں سے ) بے نیاز رکھے یا لوگوں سے ( مانگنے سے ) بچا کے رکھے وہ اللہ کی راہ میں شمار ہوتا ہے ، اور کثرت کے لئے کمانے والا شیطان کی راہ میں ہوتا ہے “ ۔
یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی اسحاق بن سید ہے ، اور وہ ضعیف ہے سیدنا ابوہریرہ رضی اللہ عنہ کی نقل کردہ حدیث نیکی اور صلہ رحمی سے متعلق باب میں آئے گی ، جس میں یہ مذکور ہے کہ اولاد بہن بھائیوں کے لئے کمانے والا بھی اسی طرح ہے ۔