مجمع الزوائد ومنبع الفوائد

وَعَنْ عَائِشَةَ وَمَكْحُولٍ قَالَا : قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - : " مَا اسْتُحِلَّ بِهِ فَرْجُ الْمَرْأَةِ مِنْ مَهْرٍ أَوْ عِدَّةٍ فَهُوَ لَهَا ، وَمَا أُكْرِمَ بِهِ أَبُوهَا أَوْ أَخُوهَا أَوْ وَلِيُّهَا بَعْدَ عُقْدَةِ النِّكَاحِ فَهُوَ لَهُ ، وَأَحَقُّ مَا أَكْرَمَ بِهِ الرَّجُلُ ابْنَتَهُ أَوْ أُخْتَهُ " . ¤ رَوَاهُ أَحْمَدُ ، وَإِسْنَادُهُ مُنْقَطِعٌ ، وَفِيهِ الْحَجَّاجُ بْنُ أَرْطَاةَ ، وَهُوَ مُدَلِّسٌ . ¤

سیدہ عائشہ صدیقہ رضی اللہ عنہا اور مکحول روایت کرتے ہیں : نبی اکرم صلی اللہ علیہ وسلم نے ارشاد فرمایا : ” عورت کی شرمگاہ کو جس مہر ، یا جس وعدے کے عوض میں حلال قرار دیا گیا ہو ، وہ چیز اس عورت کی ملکیت ہو گی ، اور جس چیز کے ذریعے عورت کے باپ ، یا بھائی کی عزت افزائی کی گئی ہو ، یا اس کے ولی کی عزت افزائی کی گئی ہو ، جو نکاح کا عقد ہو جانے کے بعد ہو ، تو وہ چیز اس شخص کی ملکیت ہو گی ، اور آدمی اس چیز کا سب سے زیادہ حق دار ہوتا ہے ، جس کے ذریعے اس شخص کی ، اُس کی بیٹی یا بہن کے حوالے سے عزت افزائی کی گئی ہو ، ( یعنی داماد کی طرف سے ، جو چیز اُسے تحفے کے طور پر دی گئی ہو ) “ ۔
یہ روایت امام أحمد نے نقل کی ہے اور اس کی سند منقطع ہے ، اس کی سند میں ایک راوی حجاج بن ارطاۃ ہے اور وہ تدلیس کرنے والا ہے ۔