مجمع الزوائد ومنبع الفوائد

وَعَنْ أَبِي هُرَيْرَةَ قَالَ : لَعَنَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - مُخَنَّثِي الرِّجَالِ الَّذِينَ يَتَشَبَّهُونَ بِالنِّسَاءِ ، وَالْمُتَرَجِّلَاتِ مِنَ النِّسَاءِ الْمُتَشَبِّهَاتِ بِالرِّجَالِ . وَالْمُتَبَتِّلِينَ مِنَ الرِّجَالِ الَّذِينَ يَقُولُونَ : لَا نَتَزَوَّجُ . وَالْمُتَبَتِّلَاتِ مِنَ النِّسَاءِ اللَّاتِي يَقُلْنَ مِثْلَ ذَلِكَ . وَرَاكِبُ الْفَلَاةِ وَحْدَهُ . فَاشْتَدَّ ذَلِكَ عَلَى أَصْحَابِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - حَتَّى اسْتَبَانَ ذَلِكَ فِي وُجُوهِهِمْ . وَقَالَ : " الْبَائِتُ وَحْدَهُ " . ¤ رَوَاهُ أَحْمَدُ ، وَفِيهِ الطَّيِّبُ بْنُ مُحَمَّدٍ ؛ وَثَّقَهُ ابْنُ حِبَّانَ ، وَضَعَّفَهُ الْعُقَيْلِيُّ ، وَبَقِيَّةُ رِجَالِهِ رِجَالُ الصَّحِيحِ . ¤

سیدنا ابوہریرہ رضی اللہ عنہ بیان کرتے ہیں : نبی اکرم صلی اللہ علیہ وسلم نے نسوانیت ظاہر کرنے والے مردوں ، جو عورتوں کے ساتھ مشابہت رکھتے ہیں ، اور مردانگی کا اظہار کرنے والی عورتوں ، جو مردوں کے ساتھ مشابہت رکھتی ہیں ، اور مردوں میں سے کنوارے رہنے والے لوگوں ، جو یہ کہتے ہیں کہ ہم شادی نہیں کریں گے ، اور خواتین میں سے اکیلی رہنے والی عورتوں ، جو اس کی مانند بات کہتی ہیں اور ویرانے میں تنہا سوار ( ان سب پر ) لعنت کی ہے ۔ ( راوی بیان کرتے ہیں : ) یہ بات صحابہ کرام پر گراں گزری ، اور یہ چیز ان کے چہروں سے ظاہر ہوئی ، تو نبی اکرم صلی اللہ علیہ وسلم نے ارشاد فرمایا : ( اس سے مراد یہ ہے ) کہ جو تنہا رات گزارتا ہے ( یعنی ویرانے میں رات کے وقت تنہا سفر کرتا ہے ) ۔
یہ روایت امام أحمد نے نقل کی ہے اس کی سند میں ایک راوی طبیب بن محمد ہے ، جسے ابن حبان نے ثقہ قرار دیا ہے ، عقیلی نے اسے ضعیف کہا: ہے ، اس روایت کے بقیہ رجال صحیح کے رجال ہیں ۔