مجمع الزوائد ومنبع الفوائد

وَفِي رِوَايَةٍ عِنْدَ أَحْمَدَ : عَنْ عُمَيْرٍ أَيْضًا قَالَ : كُنْتُ أَرْعَى بِذَاتِ الْجَيْشِ فَأَصَابَتْنِي خَصَاصَةٌ ، فَذَكَرْتُ ذَلِكَ لِبَعْضِ أَصْحَابِ النَّبِيِّ - صَلَّى اللَّهُ عَلَيْهِ وَسَلَّمَ - فَدَلُّونِي عَلَى حَائِطٍ لِبَعْضِ الْأَنْصَارِ ، فَقَطَعْتُ مِنْهُ أَقْنَاءً ، فَأَخَذُونِي فَذَهَبُوا بِي إِلَى النَّبِيِّ - صَلَّى اللَّهُ عَلَيْهِ وَسَلَّمَ - فَأَخْبَرْتُهُ بِحَاجَتِي ، فَأَعْطَانِي قِنْوًا وَاحِدًا ، وَرَدَّ سَائِرَهَا إِلَى أَهْلِهِ . ¤ وَإِسْنَادُ الثَّانِي فِيهِ ابْنُ لَهِيعَةَ ، وَحَدِيثُهُ حَسَنٌ . ¤ وَإِسْنَادُ الْأَوَّلِ فِيهِ أَبُو بَكْرِ بْنُ الْمُهَاجِرِ ذَكَرَهُ ابْنُ أَبِي حَاتِمٍ ، وَلَمْ يَذْكُرْ فِيهِ جَرْحًا وَلَا تَعْدِيلًا ، وَبَقِيَّةُ رِجَالِهِ ثِقَاتٌ . ¤

امام أحمد کی نقل کردہ ایک روایت ، جو سیدنا عمیر رضی اللہ عنہ ہی سے منقول ہے ، اس میں یہ الفاظ ہیں : وہ بیان کرتے ہیں : میں ذات الجیش کے مقام پر جانوروں کو چرا رہا تھا ، مجھے بھوک لاحق ہو گئی ، نبی اکرم صلی اللہ علیہ وسلم کے بعض اصحاب سے میں نے یہ بات ذکر کی ، تو انہوں نے مجھے ایک انصاری کے باغ کے بارے میں بتایا ، میں نے اس میں سے کچھ گچھے توڑ لئے ، انہوں نے مجھے پکڑ لیا اور مجھے لے کر نبی اکرم صلی اللہ علیہ وسلم کے پاس چلے گئے ، میں نے نبی اکرم صلی اللہ علیہ وسلم کو اپنے حاجت مند ہونے کے بارے میں بتایا ، تو نبی اکرم صلی اللہ علیہ وسلم نے ایک گچھہ مجھے عطا کر دیا اور باقی سب اس کے مالک کو واپس کر دیے ۔ دوسری روایت کی سند میں ایک راوی ابن لہیعہ ہے اور اس کی نقل کردہ حدیث حسن ہے ۔ پہلی روایت کی سند میں ، ایک راوی ابوبکر بن مہاجر ہے ، جس کا ذکر ابن ابوحاتم نے کیا ہے ، انہوں نے اس کے بارے میں کوئی جرح یا تعدیل نقل نہیں کی ہے ، اس روایت کے بقیہ رجال ثقہ ہیں ۔