مجمع الزوائد ومنبع الفوائد

وَعَنْ عَوْفِ بْنِ مَالِكٍ قَالَ : قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - : " إِيَّاكَ وَالذُّنُوبَ الَّتِي لَا تُغْفَرُ : الْغُلُولُ ؛ فَمَنْ غَلَّ شَيْئًا أَتَى بِهِ يَوْمَ الْقِيَامَةِ ، وَأَكْلُ الرِّبَا ؛ فَمَنْ أَكَلَ الرِّبَا يَأْتِي يَوْمَ الْقِيَامَةِ مَجْنُونًا يَتَخَبَّطُ " . ثُمَّ قَرَأَ : " الَّذِينَ يَأْكُلُونَ الرِّبَا لَا يَقُومُونَ إِلَّا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ " . ¤ رَوَاهُ الطَّبَرَانِيُّ ، وَفِيهِ الْحُسَيْنُ بْنُ عَبْدِ الْأَوَّلِ ، وَهُوَ ضَعِيفٌ . ¤

سیدنا عوف بن مالک رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” تم ایسے گناہوں سے بچنے کی کوشش کرو ! جن کی مغفرت نہیں ہوتی ہے ، مال غنیمت میں خیانت کرنا ، جو شخص کسی چیز میں خیانت کرے گا ، وہ قیامت کے دن اس چیز کو لے کر آئے گا اور سود کھانا ، جو شخص سود کھائے گا جب وہ قیامت کے دن آئے گا تو وہ مجنون ہو گا ، اور مخبوط الحواس ہو گا ، پھر آپ نے یہ آیت تلاوت کی : ” وہ لوگ جو سود کھاتے ہیں ، وہ یوں کھڑے ہوں گے ، جس طرح وہ شخص کھڑا ہوتا ہے ، جسے شیطان نے چھو کر مخبوط الحواس کر دیا ہو “ ۔
یہ روایت امام طبرانی نے نقل کی ہے اس کی سند میں ایک راوی حسین بن عبدالاول ہے اور وہ ضعیف ہے ۔