مجمع الزوائد ومنبع الفوائد

وَعَنْ مَعْبَدٍ الْقُرَشِيِّ قَالَ : كَانَ النَّبِيُّ صَلَّى اللَّهُ عَلَيْهِ وَسَلَّمَ بِقُدَيْدٍ فَأَتَاهُ رَجُلٌ فَقَالَ لَهُ النَّبِيُّ صَلَّى اللَّهُ عَلَيْهِ وَسَلَّمَ : " أَطَعِمْتَ الْيَوْمَ شَيْئًا ؟ " لِيَوْمِ عَاشُورَاءَ . قَالَ : لَا إِلَّا أَنِّي شَرِبْتُ مَاءً . قَالَ : " فَلَا تَطْعَمْ شَيْئًا حَتَّى تَغْرُبَ الشَّمْسُ وَأْمُرْ مَنْ وَرَاءَكَ أَنْ يَصُومُوا هَذَا الْيَوْمَ " . ¤ رَوَاهُ الطَّبَرَانِيُّ فِي الْكَبِيرِ ، وَرِجَالُهُ ثِقَاتٌ . ¤

معبد قرشی بیان کرتے ہیں : نبی اکرم صلی اللہ علیہ وسلم قدید کے مقام پر موجود تھے ایک شخص آپ کے پاس آیا نبی اکرم صلی اللہ علیہ وسلم نے اس سے دریافت کیا : کیا تم نے آج کچھ کھایا ہے ۔ ( راوی بیان کرتے ہیں : ) یہ عاشوراء کے دن کی بات ہے اس شخص نے جواب دیا : جی نہیں میں نے صرف پانی پیا ہے نبی اکرم صلی اللہ علیہ وسلم نے فرمایا : اب تم سورج غروب ہونے تک کچھ نہ کھانا اپنے پیچھے موجود افراد کو بھی یہ ہدایت کر دو کہ وہ آج کے دن روزہ رکھیں ۔
یہ روایت امام طبرانی نے معجم کبیر میں نقل کی ہے ، اور اس کے رجال ثقہ ہیں ۔