مجمع الزوائد ومنبع الفوائد

وَعَنِ ابْنِ عَبَّاسٍ قَالَ : قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - : " مَنْ قَادَ أَعْمَى حَتَّى يُبْلِغَهُ مَأْمَنَهُ غُفِرَتْ لَهُ أَرْبَعُونَ كَبِيرَةً ، وَأَرْبَعُ كَبَائِرَ تُوجِبُ النَّارَ " . ¤ رَوَاهُ الطَّبَرَانِيُّ فِي الْكَبِيرِ ، وَفِيهِ عُمَرُ بْنُ يَحْيَى الْأَمَلِيُّ ; وَلَمْ أَجِدْ مَنْ تَرْجَمَهُ ، وَلَكِنَّ فِيهِ عَلِيَّ بْنَ يَزِيدَ ، وَفِيهِ كَلَامٌ . ¤

سیدنا عبداللہ بن عباس رضی اللہ عنہما روایت کرتے ہیں : نبی اکرم صلی اللہ علیہ وسلم نے ارشاد فرمایا : ” جو شخص کسی نابینا کو ساتھ لے کے چلتا ہے یہاں تک کہ اسے اس کی منزل تک پہنچا دیتا ہے ، تو اس شخص کے چالیس کبیرہ گناہوں کی مغفرت ہو جاتی ہے ، اور چار ایسے کبیرہ گناہوں کی مغفرت ہوتی ہے ، جو جہنم کو واجب کرتے ہیں “ ۔
یہ روایت امام طبرانی نے معجم کبیر میں نقل کی ہے ۔ اس کی سند میں ایک راوی عمر بن یحیی املی ہے میں نے کسی کو اس کے حالات بیان کرتے ہوئے نہیں پایا ہے ، اور اس کی سند میں ایک راوی علی بن یزید ہے ، جس کے بارے میں کلام کیا گیا ہے ۔