مجمع الزوائد ومنبع الفوائد

وَعَنْ أَبِي هُرَيْرَةَ - رَضِيَ اللَّهُ عَنْهُ - : أَنَّ رَجُلًا أَتَى النَّبِيَّ - صَلَّى اللَّهُ عَلَيْهِ وَسَلَّمَ - بِجَارِيَةٍ سَوْدَاءَ أَعْجَمِيَّةٍ ، فَقَالَ : يَا رَسُولَ اللَّهِ ، إِنَّ عَلَيَّ [ عِتْقَ ] رَقَبَةٍ مُؤْمِنَةٍ ، فَقَالَ لَهَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - : " أَيْنَ اللَّهُ ؟ " فَأَشَارَتْ بِرَأْسِهَا إِلَى السَّمَاءِ بِأُصْبُعِهَا السَّبَّابَةِ ، فَقَالَ لَهَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - : " مَنْ أَنَا ؟ " فَأَشَارَتْ بِأُصْبُعِهَا إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَإِلَى السَّمَاءِ ; أَيْ أَنْتَ رَسُولُ اللَّهِ . قَالَ : " أَعْتِقْهَا " . ¤ رَوَاهُ أَحْمَدُ وَالْبَزَّارُ وَالطَّبَرَانِيُّ فِي الْأَوْسَطِ ، إِلَّا أَنَّهُ قَالَ لَهَا : " مَنْ رَبُّكِ ؟ " فَأَشَارَتْ بِرَأْسِهَا إِلَى السَّمَاءِ ، فَقَالَتْ : اللَّهُ . ¤ وَرِجَالُهُ مُوَثَّقُونَ . ¤ قُلْتُ : وَتَأْتِي أَحَادِيثُ مِنَ الطَّبَرَانِيِّ فِي هَذَا الْبَابِ فِي كِتَابِ الْعِتْقِ . ¤

سیدنا ابوہریرہ رضی اللہ عنہ بیان کرتے ہیں : ایک شخص ایک سیاہ فام عجمی کنیز کو ساتھ لے کر نبی اکرم صلی اللہ علیہ وسلم کی خدمت میں حاضر ہوا ، اس نے عرض کی : یا رسول اللہ ! مجھ پر ایک مؤمن گردن کو آزاد کرنا لازم ہے ، نبی اکرم صلی اللہ علیہ وسلم نے اس کنیز سے دریافت کیا : اللہ تعالیٰ کہاں ہے ؟ تو اس نے شہادت کی انگلی اور سر کے ذریعے آسمان کی طرف اشارہ کیا ، نبی اکرم صلی اللہ علیہ وسلم نے اس سے دریافت کیا : میں کون ہوں ؟ اس نے اپنی انگلی کے ذریعے نبی اکرم صلی اللہ علیہ وسلم کی طرف اور آسمان کی طرف اشارہ کیا ، یعنی یہ کہا: کہ آپ اللہ کے رسول ہیں ، نبی اکرم صلی اللہ علیہ وسلم نے ( اس شخص سے ) فرمایا : تم اسے آزاد کر دو !
یہ روایت امام أحمد اور امام بزار نے ، اور امام طبرانی نے معجم اوسط میں نقل کی ہے ، البتہ انہوں نے یہ الفاظ نقل کئے ہیں : ” نبی اکرم صلی اللہ علیہ وسلم نے اس سے دریافت کیا : تمہارا پروردگار کون ہے ؟ تو اس نے سر کے ذریعے آسمان کی طرف اشارہ کیا اور بولی: اللہ تعالیٰ ہے “ ۔
اس روایت کے رجال کی توثیق کی گئی ہے ( علامہ ہیثمی کہتے ہیں : ) میں یہ کہتا ہوں : طبرانی کی نقل کردہ احادیث جو اس موضوع سے متعلق ہیں ، وہ غلام آزاد کرنے سے متعلق کتاب میں آئیں گی ۔