مجمع الزوائد ومنبع الفوائد

وَعَنِ الْحَارِثِ بْنِ أُقَيْشٍ قَالَ : كُنَّا عِنْدَ أَبِي بَرْزَةَ فَحَدَّثَ لَيْلَتَئِذٍ عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ : " مَا مِنْ مُسْلِمَيْنِ يَمُوتُ لَهُمَا أَرْبَعَةُ أَفْرَاطٍ إِلَّا أَدْخَلَهُمَا اللَّهُ الْجَنَّةَ بِفَضْلِ رَحْمَتِهِ " . فَقَالُوا : يَا رَسُولَ اللَّهِ ، وَثَلَاثَةٌ ؟ قَالَ : " وَثَلَاثَةٌ " . قَالُوا : وَاثْنَانِ ؟ قَالَ : " وَاثْنَانِ " . قَالَ : " وَإِنَّ مِنْ أُمَّتِي لَمَنْ يُعَظَّمُ لِلنَّارِ حَتَّى يَكُونَ أَحَدَ زَوَايَاهَا ، وَإِنَّ مِنْ أُمَّتِي مَنْ يَدْخُلُ الْجَنَّةَ بِشَفَاعَتِهِ مِثْلُ مُضَرَ " . ¤ رَوَاهُ أَحْمَدُ مِنْ حَدِيثِ أَبِي بَرْزَةِ ، وَرِجَالُهُ ثِقَاتٌ . ¤

سیدنا حارث بن اقیش رضی اللہ عنہ بیان کرتے ہیں : ہم لوگ سیدنا ابوبرزہ رضی اللہ عنہ کے پاس موجود تھے انہوں نے ہمیں نبی اکرم صلی اللہ علیہ وسلم کے حوالے سے یہ حدیث بیان کی کہ آپ نے ارشاد فرمایا ہے : ” جن بھی دو مسلمان ( میاں بیوی ) کے چار بچے فوت ہو جائیں تو اللہ تعالیٰ اپنی رحمت کے فضل کی وجہ سے ان دونوں ( میاں بیوی ) کو جنت میں داخل کرے گا لوگوں نے عرض کی : یا رسول اللہ ! اگر تین ہوں ؟ نبی اکرم صلی اللہ علیہ وسلم نے فرمایا : اگر تین ( بچے انتقال کر چکے ہوں تو بھی یہی اجر و ثواب حاصل ہو گا ) لوگوں نے عرض کی : اگر دو ہوں ؟ نبی اکرم صلی اللہ علیہ وسلم نے فرمایا : اگر دو ہوں ( تو بھی یہی اجر و ثواب حاصل ہو گا “ ) ۔ نبی اکرم صلی اللہ علیہ وسلم نے ارشاد فرمایا : میری امت کا ایک شخص جہنم میں اتنا بڑا ہو گا کہ وہ جہنم کے ایک گوشے میں پورا آ جائے گا میری امت کا ایک فرد ایسا بھی ہو گا کہ اس کی شفاعت کی وجہ سے مضر قبیلے ( کے افراد کی تعداد جتنے لوگ ) جنت میں داخل ہوں گے “ ۔
یہ روایت امام أحمد نے سیدنا ابوبرزہ رضی اللہ عنہ سے منقول حدیث کے طور پر نقل کی ہے ، اور اس کے رجال ثقہ ہیں ۔