مجمع الزوائد ومنبع الفوائد

عَنْ أَبِي سَعِيدٍ الْخُدْرِيِّ قَالَ : كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَطْعَمُ يَوْمَ الْفِطْرِ قَبْلَ أَنْ يَخْرُجَ رَوَاهُ أَبُو يَعْلَى وَأَحْمَدُ وَالْبَزَّارُ وَالطَّبَرَانِيُّ فِي الْأَوْسَطِ وَلَفْظُهُ : أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - كَانَ يَطْعَمُ يَوْمَ الْفِطْرِ قَبْلَ أَنْ يَغْدُوَ وَيَأْمُرُ النَّاسَ بِذَلِكَ وَفِي إِسْنَادِ الطَّبَرَانِيِّ الْوَاقِدِيُّ وَفِيهِ كَلَامٌ كَثِيرٌ ، وَفِيمَا قَبْلَهُ عَبْدُ اللَّهِ بْنُ مُحَمَّدِ بْنِ عَقِيلٍ وَفِيهِ كَلَامٌ وَقَدْ وُثِّقَ

سیدنا ابوسعید خدری رضی اللہ عنہ بیان کرتے ہیں : نبی اکرم صلی اللہ علیہ وسلم عیدالفطر کے دن نکلنے سے پہلے کچھ کھا لیتے تھے ۔
یہ روایت امام ابویعلیٰ ، امام أحمد ، امام بزار اور امام طبرانی نے معجم اوسط میں نقل کی ہے ، اُن کی روایت کے الفاظ یہ ہیں : ” نبی اکرم صلی اللہ علیہ وسلم عیدالفطر کے دن ( نماز کے لئے ) جانے سے پہلے کچھ کھا لیتے تھے ، اور لوگوں کو بھی اس بات کا حکم دیتے تھے “ ۔ امام طبرانی کی سند میں ، ایک راوی واقدی ہے ، جس کے بارے میں بہت زیادہ کلام کیا گیا ہے ، اور اس سے پہلے عبداللہ بن محمد بن عقیل ہے ، اس کے بارے میں بھی کلام کیا گیا ہے ، ویسے اُس کی توثیق کی گئی ہے ۔