مجمع الزوائد ومنبع الفوائد

وَعَنْ حُذَيْفَةَ - يَرْفَعُهُ - إِلَى النَّبِيِّ - صَلَّى اللَّهُ عَلَيْهِ وَسَلَّمَ - قَالَ : " يُخْرِجُ اللَّهُ قَوْمًا مُنْتِنِينَ قَدْ مَحَشَتْهُمُ النَّارُ بِشَفَاعَةِ الشَّافِعِينَ ، فَيَدْخُلُونَ الْجَنَّةَ فَيُسَمَّوْنَ الْجَهَنَّمِيِّينَ أَوِ الْجَهَنَّمِيُّونَ " . رَوَاهُ أَحْمَدُ مِنْ طَرِيقَيْنِ ، وَرِجَالُهُمَا رِجَالُ الصَّحِيحِ ، قُلْتُ وَتَأْتِي أَحَادِيثُ فِي رَحْمَةِ اللَّهِ تَعَالَى مِنْ نَحْوِ هَذَا . ¤

سیدنا حذیفہ رضی اللہ عنہ مرفوع حدیث کے طور پر یہ بات نقل کرتے ہیں : نبی اکرم صلی اللہ علیہ وسلم نے ارشاد فرمایا : ” شفاعت کرنے والوں کی شفاعت کی وجہ سے اللہ تعالیٰ ایسے لوگوں کو ( یعنی جہنم سے ) نکالے گا جو بدبودار ہو چکے ہوں گے اور آگ نے انہیں راکھ کر دیا ہو گا ، وہ جنت میں داخل ہوں گے تو انہیں ” جہنمی “ کا نام دیا جائے گا ۔ “
یہ روایت امام أحمد نے دو حوالوں سے نقل کی ہے اور ان دونوں کے رجال صحیح کے رجال ہیں ۔ ( علامہ ہیثمی فرماتے ہیں : ) میں یہ کہتا ہوں : اللہ تعالیٰ کی رحمت سے متعلق باب میں اس نوعیت کی کچھ احادیث آگے آئیں گی ۔