مجمع الزوائد ومنبع الفوائد

عَنِ النُّعْمَانِ بْنِ بَشِيرٍ ، عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ : " مَا مِنْ عَبْدٍ وَلَا أَمَةٍ إِلَّا وَلَهُ ثَلَاثَةُ أَخِلَّاءَ : فَخَلِيلٌ يَقُولُ : أَنَا مَعَكَ ، فَخُذْ مَا شِئْتَ ، وَدَعْ مَا شِئْتَ ، فَذَلِكَ مَالُهُ . وَخَلِيلٌ يَقُولُ : أَنَا مَعَكَ ، فَإِذَا أَتَيْتَ بَابَ الْمَلِكِ تَرَكْتُكَ ، فَذَلِكَ خَدَمُهُ وَأَهْلُهُ . وَخَلِيلٌ يَقُولُ : أَنَا مَعَكَ حَيْثُ دَخَلْتَ ، وَحَيْثُ خَرَجْتَ ، فَذَلِكَ عَمَلُهُ " . رَوَاهُ الطَّبَرَانِيُّ فِي الْكَبِيرِ وَفِي الْأَوْسَطِ ، وَلَفْظُهُ : قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - : " مَثَلُ الرَّجُلِ وَمَثَلُ الْمَوْتِ كَمَثَلِ رَجُلٍ لَهُ ثَلَاثَةُ أَخِلَّاءَ : فَقَالَ الْأَوَّلُ : هَذَا مَالِي فَخُذْ مَا شِئْتَ ، وَأَعْطِ مَا شِئْتَ ، وَدَعْ مَا شِئْتَ . وَقَالَ الْآخَرُ : أَنَا مَعَكَ أَخْدِمُكَ ، فَإِذَا مُتَّ تَرَكْتُكَ ، وَقَالَ الْآخَرُ : أَنَا مَعَكَ أَدْخُلُ مَعَكَ ، وَأَخْرُجُ مَعَكَ ، إِنْ مِتَّ وَإِنْ حَيِيتَ . فَأَمَّا الَّذِي قَالَ : هَذَا مَالِي فَخُذْ مَا شِئْتَ ، وَدَعْ مَا شِئْتَ ، فَهُوَ مَالُهُ . وَالْآخَرُ عَشِيرَتُهُ ، وَالْآخَرُ عَمَلُهُ ، يَدْخُلُ مَعَهُ وَيَخْرُجُ مَعَهُ حَيْثُ كَانَ " . رَوَاهُ الْبَزَّارُ بِنَحْوِهِ ، وَأَحَدُ أَسَانِيدِهِ فِي الْكَبِيرِ رِجَالُهُ رِجَالُ الصَّحِيحِ . ¤

سیدنا نعمان بن بشیر رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” ہر بندے اور بندی ( یعنی ہر مرد اور عورت ) کے تین دوست ہوتے ہیں ، ایک دوست یہ کہتا ہے : میں تمہارے ساتھ ہوں ، تم جو چاہو حاصل کر لو ، اور جو چاہو چھوڑ دو ، یہ اس کا مال ہے ایک دوست کہتا ہے : میں تمہارے ساتھ ہوں ، جب تم بادشاہ کے دروازے پر جاؤ گے ، تو میں تمہیں چھوڑ دوں گا ، یہ اُس کے خدمت گزار اور اس کے اہل خانہ ہیں اور ایک دوست یہ کہتا ہے : تم جہاں داخل ہو گے اور جہاں سے نکلو گے ، میں تمہارے ساتھ رہوں گا ، یہ اُس کا عمل ہے ۔
یہ روایت امام طبرانی نے معجم کبیر میں اور معجم اوسط میں نقل کی ہے ، ان کے الفاظ یہ ہیں : نبی اکرم صلی اللہ علیہ وسلم نے ارشاد فرمایا : ” آدمی اور موت کی مثال اُس شخص کی مانند ہے ، جس کے تین دوست ہوں ، پہلا یہ کہے : یہ میرا مال ہے ، تم جو چاہو لے لو ، جو چاہو دے دو ، جو چاہو چھوڑ دو ، دوسرا یہ کہے : میں تمہارے ساتھ ہوں ، میں تمہاری خدمت کرتا رہوں گا ، لیکن جب تم مر جاؤ گے تو میں تمہیں چھوڑ دوں گا ، تیسرا یہ کہے : میں تمہارے ساتھ رہوں گا تمہارے ساتھ اندر جاؤں گا ، تمہارے ساتھ باہر آؤں گا ، خواہ ( تم ) مر جاؤ ، یا تم زندہ رہو ، جہاں تک اس کا تعلق ہے ، جس نے یہ کہا: تھا : کہ یہ میرا مال ہے ، تم اس میں سے جو چاہو لے لو اور جو چاہو چھوڑ دو ، تو یہ اس شخص کا مال ہے ، اور دوسرا ( دوست ) آدمی کا خاندان ہے ، اور تیسرا دوست آدمی کا عمل ہے ، کہ آدمی جہاں بھی ہو گا وہ اس کے ساتھ اندر جائے گا اور اس کے ساتھ باہر آئے گا ۔ “
یہ روایت امام بزار نے اس کی مانند نقل کی ہے اور کبیر میں اس کی اسانید میں سے ایک کے رجال صحیح کے رجال ہیں ۔