مجمع الزوائد ومنبع الفوائد

وَعَنْ عُثْمَانَ - يَعْنِي ابْنَ عَفَّانَ - عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ : " الْعَبْدُ الْمُسْلِمُ إِذَا بَلَغَ خَمْسِينَ سَنَةً خَفَّفَ اللَّهُ حَسَنَاتِهِ ، وَإِذَا بَلَغَ سِتِّينَ رَزَقَهُ اللَّهُ الْإِنَابَةَ إِلَيْهِ ، وَإِذَا بَلَغَ سَبْعِينَ سَنَةً أَحَبَّهُ أَهْلُ السَّمَاءِ ، فَإِذَا بَلَغَ ثَمَانِينَ سَنَةً ثَبَّتَ اللَّهُ حَسَنَاتِهِ ، وَمَحَا سَيِّئَاتِهِ ، فَإِذَا بَلَغَ تِسْعِينَ سَنَةً غَفَرَ اللَّهُ لَهُ مَا تَقَدَّمَ مِنْ ذَنْبِهِ وَمَا تَأَخَّرَ ، وَشَفَّعَهُ اللَّهُ - عَزَّ وَجَلَّ - فِي أَهْلِ بَيْتِهِ ، وَكُتِبَ فِي السَّمَاءِ أَسِيرَ اللَّهِ فِي الْأَرْضِ " . رَوَاهُ أَبُو يَعْلَى فِي الْكَبِيرِ ، وَفِيهِ عَزْرَةُ بْنُ قَيْسٍ الْأَزْدِيُّ ، وَهُوَ ضَعِيفٌ . ¤

سیدنا عثمان غنی رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” مسلمان بندہ ، جب پچاس سال کی عمر تک پہنچ جاتا ہے ، تو اللہ تعالیٰ اس کی نیکیوں کو ہلکا کر دیتا ہے ( شاید یہ مراد ہے کہ اللہ تعالیٰ اس کے لیے نیکی کا کام کرنا آسان کر دیتا ہے ) اور جب وہ 60 سال کی عمر تک پہنچتا ہے ، تو اللہ تعالیٰ اسے اپنی طرف رجوع کی توفیق عطا کرتا ہے ، اور جب وہ ستر سال کا ہو جاتا ہے ، تو آسمان والے اس سے محبت کرنے لگتے ہیں اور جب وہ اسّی سال کا ہو جاتا ہے ، تو اللہ تعالیٰ اس کی نیکیوں کو برقرار رکھتا ہے ، اور اس کی برائیوں کو مٹا دیتا ہے ، اور جب وہ 90 سال کا ہو جاتا ہے تو اللہ تعالیٰ اس کے گذشتہ اور آئندہ گناہوں کی مغفرت کر دیتا ہے ، اور اللہ تعالیٰ اس کے اہل خانہ کے بارے میں اس کی شفاعت کو قبول کرتا ہے ، اور اس کے لئے آسمان میں یہ نوٹ کر لیا جاتا ہے : یہ زمین میں اللہ کا قیدی ہے ۔ “
یہ روایت امام ابویعلیٰ نے کبیر میں نقل کی ہے ، اس کی سند میں ایک راوی عزرہ بن قیس ازدی ہے اور وہ ضعیف ہے ۔