مجمع الزوائد ومنبع الفوائد

وَعَنْ عَبْدِ اللَّهِ بْنِ مَسْعُودٍ أَنَّهُ قَالَ : قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ : " إِذَا انْفَلَتَتْ دَابَّةُ أَحَدِكُمْ بِأَرْضِ فَلَاةٍ فَلْيُنَادِ : يَا عِبَادَ اللَّهِ احْبِسُوا ، يَا عِبَادَ اللَّهِ احْبِسُوا ; فَإِنَّ لِلَّهِ حَاضِرًا فِي الْأَرْضِ سَيَحْبِسُهُ " . ¤ رَوَاهُ أَبُو يَعْلَى ، وَالطَّبَرَانِيُّ ، وَزَادَ : " سَيَحْبِسُهُ عَلَيْكُمْ " . وَفِيهِ مَعْرُوفُ بْنُ حَسَّانَ ، وَهُوَ ضَعِيفٌ . ¤

سیدنا عبداللہ بن مسعود رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” جب کسی بے آب و گیاہ جگہ پر ، تم میں سے کسی ایک کا جانور چھوڑ کر چلا جائے ، تو اس شخص کو بلند آواز میں پکارنا چاہیے : اے اللہ کے بندو ! روک لو ! اے اللہ کے بندو ! روک لو ! کیونکہ زمین میں اللہ کی ایسی مخلوق موجود ہوتی ہے ، جو اس کو روک سکتی ہے ۔ “
یہ روایت امام ابویعلیٰ اور امام طبرانی نے نقل کی ہے اور انہوں نے یہ الفاظ نقل کیے ہیں : ” تو عنقریب وہ اس کو تمہارے لئے روک لے گا ۔ “ اس روایت کی سند میں ایک راوی معروف بن حسان ہے اور وہ ضعیف ہے ۔