مجمع الزوائد ومنبع الفوائد

وَعَنْ أَبِي وَائِلٍ قَالَ : سَأَلْتُ ابْنَ مَسْعُودٍ ذَاتَ يَوْمٍ بَعْدَ مَا انْصَرَفْنَا مِنْ صَلَاةِ الْغَدَاةِ ، فَاسْتَأْذَنَّا عَلَيْهِ ، قَالَ : ادْخُلُوا ، قُلْنَا : نَنْتَظِرُ هُنَيْهَةً لَعَلَّ بَعْضَ أَهْلِ الدَّارِ لَهُ حَاجَةٌ ، فَأَقْبَلَ يُسَبِّحُ ، وَقَالَ : لَقَدْ ظَنَنْتُمْ يَا آلَ عَبْدِ اللَّهِ ، غَفْلَةً ، ثُمَّ قَالَ : يَا جَارِيَةُ ، انْظُرِي هَلْ طَلَعَتِ الشَّمْسُ ؟ قَالَتْ : لَا . [ ثُمَّ قَالَ لَهَا الثَّانِيَةُ : انْظُرِي ، هَلْ طَلَعَتِ الشَّمْسُ ؟ قَالَتْ : لَا ] ثُمَّ قَالَ لَهَا الثَّالِثَةَ : انْظُرِي هَلْ طَلَعَتِ الشَّمْسُ ؟ قَالَتْ : نَعَمْ . قَالَ : الْحَمْدُ لِلَّهِ الَّذِي وَهَبَ لَنَا هَذَا الْيَوْمَ ، وَأَقَالَنَا فِيهِ عَثَرَاتِنَا - أَحْسَبُهُ قَالَ : - وَلَمْ يُعَذِّبْنَا بِالنَّارِ . ¤ رَوَاهُ الطَّبَرَانِيُّ ، وَرِجَالُهُ رِجَالُ الصَّحِيحِ . ¤

ابووائل بیان کرتے ہیں : میں نے ایک دن سیدنا عبداللہ بن مسعود رضی اللہ عنہ سے سوال کیا ، یہ فجر کی نماز سے واپس آنے کے بعد کی بات ہے ، ہم نے ان کے ہاں اندر آنے کی اجازت مانگی انہوں نے فرمایا : تم لوگ اندر آ جاؤ ! ہم نے سوچا ہمیں کچھ دیر انتظار کر لینا چاہیے کیونکہ ہو سکتا ہے ، گھر والوں کو ان سے کوئی کام ہو ، سیدنا عبداللہ رضی اللہ عنہ تسبیح پڑھتے ہوئے تشریف لائے ، انہوں نے فرمایا : تم لوگ یہ گمان کرتے ہو کہ عبداللہ کے گھر والے غفلت کا شکار ہوں گے ؟ پھر انہوں نے فرمایا ہے : اے لڑکی ! تم دیکھو کیا سورج نکل آیا ہے ؟ اس نے بتایا : جی نہیں ! پھر انہوں نے دوسری مرتبہ اس سے کہا: تم دیکھو کہ سورج نکل آیا ہے ؟ اس نے بتایا : جی نہیں ! پھر انہوں نے تیسری مرتبہ اس سے کہا: تم دیکھو ! کیا سورج نکل آیا ہے ؟ اس نے جواب دیا : جی ہاں ! تو سیدنا عبداللہ رضی اللہ عنہ نے فرمایا : ” اللہ تعالیٰ کے لیے ہر طرح کی حمد مخصوص ہے ، جس نے ہمیں یہ دن عطا کیا ہے ، اور اس دن میں ہماری کوتاہیوں سے درگزر کیا ہے ۔ “
راوی کہتے ہیں : میرا خیال ہے روایت میں یہ الفاظ بھی ہیں : ” اور اس نے ہمیں آگ کے ذریعے عذاب نہیں دیا ۔ “
یہ روایت امام طبرانی نے نقل کی ہے ، اور اس کے رجال ” صحیح“ کے رجال ہیں ۔