مجمع الزوائد ومنبع الفوائد

وَعَنْ مُعَاذِ بْنِ جَبَلٍ قَالَ : قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ : " مَنْ قَالَ حِينَ يَنْصَرِفُ مِنْ صَلَاةِ الْغَدَاةِ : لَا إِلَهَ إِلَّا اللَّهُ وَحْدَهُ لَا شَرِيكَ لَهُ ، لَهُ الْمُلْكُ ، وَلَهُ الْحَمْدُ ، بِيَدِهِ الْخَيْرُ ، وَهُوَ عَلَى كُلِّ شَيْءٍ قَدِيرٌ ، عَشْرَ مَرَّاتٍ ; أُعْطِيَ بِهِنَّ سَبْعًا ، كُتِبَ لَهُ بِهِنَّ عَشْرُ حَسَنَاتٍ ، وَمُحِيَ عَنْهُ بِهِنَّ عَشْرُ سَيِّئَاتٍ ، وَرُفِعَ لَهُ بِهِنَّ عَشْرُ دَرَجَاتٍ ، وَكُنَّ لَهُ عَدْلَ عَشْرِ نَسَمَاتٍ ، وَكُنَّ لَهُ حَافِظًا مِنَ الشَّيْطَانِ ، وَحِرْزًا مِنَ الْمَكْرُوهِ ، وَلَمْ يَلْحَقْهُ فِي ذَلِكَ الْيَوْمِ ذَنْبٌ إِلَّا الشِّرْكُ بِاللَّهِ ، وَمَنْ قَالَهُنَّ حِينَ يَنْصَرِفُ مِنْ صَلَاةِ الْمَغْرِبِ أُعْطِيَ مِثْلَ ذَلِكَ لَيْلَتَهُ " . ¤ رَوَاهُ الطَّبَرَانِيُّ مِنْ طَرِيقِ عَاصِمِ بْنِ مَنْصُورٍ ، وَلَمْ أَجِدْ مَنْ وَثَّقَهُ وَلَا ضَعَّفَهُ ، وَبَقِيَّةُ رِجَالِهِ ثِقَاتٌ . ¤

سیدنا معاذ بن جبل رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” جو شخص صبح کی نماز سے فارغ ہونے کے بعد یہ پڑھے :« لَا إِلَهَ إِلَّا اللَّهُ وَحْدَهُ لَا شَرِيكَ لَهُ ، لَهُ الْمُلْكُ ، وَلَهُ الْحَمْدُ ، بِيَدِهِ الْخَيْرُ ، وَهُوَ عَلَى كُلِّ شَيْءٍ قَدِيرٌ » ” اللہ تعالیٰ کے علاوہ اور کوئی معبود نہیں ہے ، صرف وہی ایک معبود ہے ، اس کا کوئی شریک نہیں ہے ، بادشاہی اسی کے لئے مخصوص ہے ، حمد اسی کے لیے مخصوص ہے ، ہر قسم کی بھلائی اسی کے دست قدرت میں ہے اور وہ ہر شے پر قدرت رکھتا ہے ۔ “ جو شخص دس مرتبہ یہ کلمات پڑھ لے گا ، اسے ان کے عوض میں سات چیزیں عطا کی جائیں گی ، اسے ان کی وجہ سے دس نیکیاں ملیں گی ان کی وجہ سے اس کے دس گناہ مٹا دیئے جائیں گے ، ان کی وجہ سے اس کے دس درجات بلند ہوں گے ، یہ کلمات اس کے لئے 10 غلام آزاد کرنے کے برابر ہوں گے ، یہ کلمات اس کے لیے شیطان سے حفاظت کا ذریعہ اور ناپسندیدہ چیز سے بچاؤ کا باعث ہوں گے ، اور اس دن میں کوئی بھی گناہ اس شخص کو لاحق نہیں ہو گا ، البتہ اللہ تعالیٰ کے ساتھ شرک کرنے کا معاملہ مختلف ہے ، اور جو شخص مغرب کی نماز سے فارغ ہونے کے بعد ان کلمات کو پڑھ لے گا اُسے اس رات میں ، اس کی مانند اجر و ثواب عطا کیا جائے گا ۔ “
یہ روایت امام طبرانی نے عاصم بن منصور کے حوالے سے نقل کی ہے ، میں نے کوئی ایسا شخص نہیں پایا جس نے اس کی توثیق کی ہو ، یا جس نے اس کو ضعیف قرار دیا ہو ، اس روایت کے بقیہ رجال ” ثقہ “ ہیں ۔