مجمع الزوائد ومنبع الفوائد

وَفِي رِوَايَةٍ : " مَنْ قَالَ : سُبْحَانَ اللَّهِ ، كُتِبَ لَهُ عِشْرُونَ حَسَنَةً ، وَحُطَّتْ عَنْهُ عِشْرُونَ سَيِّئَةً " . مِنْ غَيْرِ شَكٍّ . ¤ رَوَاهُ أَحْمَدُ ، وَالْبَزَّارُ ، إِلَّا أَنَّهُ قَالَ : " فَمَنْ قَالَ : سُبْحَانَ اللَّهِ ، كُتِبَتْ لَهُ عِشْرُونَ حَسَنَةً ، وَحُطَّتْ عَنْهُ عِشْرُونَ سَيِّئَةً ، وَمَنْ قَالَ : الْحَمْدُ لِلَّهِ فَمِثْلُ ذَلِكَ ، وَمَنْ قَالَ : لَا إِلَهَ إِلَّا اللَّهُ فَمِثْلُ ذَلِكَ ، وَمَنْ قَالَ : اللَّهُ أَكْبَرُ مِنْ قِبَلِ نَفْسِهِ ، كُتِبَ لَهُ ثَلَاثُونَ حَسَنَةً ، وَحُطَّتْ عَنْهُ ثَلَاثُونَ سَيِّئَةً " . ¤ وَرِجَالُهُمَا رِجَالُ الصَّحِيحِ . ¤

ایک روایت میں یہ الفاظ ہیں : ” جو شخص ” سبحان الله “ پڑھتا ہے اس کے لئے بیس نیکیاں نوٹ کی جاتی ہیں اور اس کے بیس گناہوں کو مٹا دیا جاتا ہے “ ۔ یعنی اس روایت کے الفاظ میں راوی کو شک نہیں ہے ۔
یہ روایت امام أحمد اور امام بزار نے نقل کی ہے ، تاہم انہوں نے یہ الفاظ نقل کئے ہیں : ” جو شخص ” سبحان الله “ پڑھتا ہے اس کے لیے بیس نیکیاں نوٹ کی جاتی ہیں اور اس کے بیس گناہوں کو مٹا دیا جاتا ہے ، جو شخص ” الحمد للہ “ پڑھتا ہے ، اُسے اس کی مانند اجر ملتا ہے ، جو شخص ” لا الہ الا الله “ پڑھتا ہے ، اُسے اس کی مانند اجر ملتا ہے ، اور جو شخص اپنی طرف سے ” اللہ اکبر “ پڑھتا ہے ، اُس کے لیے تیس نیکیاں نوٹ کی جاتی ہیں اور اس کے تیس گناہوں کو مٹا دیا جاتا ہے ۔ “ ان دونوں روایات کے رجال ” صحیح “ کے رجال ہیں ۔