مجمع الزوائد ومنبع الفوائد

وَعَنْ أَبِي يَحْيَى قَالَ : كُنْتُ بَيْنَ الْحَسَنِ وَالْحُسَيْنُ وَمَرْوَانُ يَتَسَابَّانِ ، فَجَعَلَ الْحَسَنُ يُسْكِتُ الْحُسَيْنَ ، فَقَالَ مَرْوَانُ : أَهْلُ بَيْتٍ مَلْعُونُونَ . فَغَضِبَ الْحَسَنُ وَقَالَ : قُلْتَ أَهْلُ بَيْتٍ مَلْعُونُونَ ! فَوَاللَّهِ ، لَقَدْ لَعَنَكَ اللَّهُ ، وَأَنْتَ فِي صُلْبِ أَبِيكَ . رَوَاهُ الطَّبَرَانِيُّ ، وَفِيهِ عَطَاءُ بْنُ السَّائِبِ ، وَقَدِ اخْتَلَطَ . ¤ قُلْتُ : وَقَدْ تَقَدَّمَتْ أَحَادِيثُ فِي النِّفَاقِ وَالْمُنَافِقِينَ وَأَسْمَائِهِمْ فِي أَوَاخِرِ كِتَابِ الْإِيمَانِ . ¤

ابویحیی بیان کرتے ہیں : میں اُس وقت وہاں موجود تھا ، سیدنا امام حسن رضی اللہ عنہ اور سیدنا امام حسین رضی اللہ عنہ اور مروان موجود تھے ، سیدنا امام حسین رضی اللہ عنہ اور مروان کے درمیان تلخ کلامی ہوئی ، سیدنا امام حسن رضی اللہ عنہ سیدنا امام حسین رضی اللہ عنہ کو خاموش کروا رہے تھے ، اسی دوران مروان نے کہا: اہل بیت ملعون ہیں ( نعوذ باللہ من ذلک ) تو سیدنا امام حسن رضی اللہ عنہ غصے میں آ گئے اور انہوں نے فرمایا : تم یہ کہ رہے ہو کہ اہل بیت ملعون ہیں ؟ اللہ کی قسم ! اللہ تعالیٰ نے اُس وقت تم پر لعنت کی تھی ، جب تم اپنے باپ کی پشت میں تھے ۔
یہ روایت امام طبرانی نے نقل کی ہے ، اس کی سند میں ایک راوی عطاء بن سائب ہے جو اختلاط کا شکار ہو گیا تھا ۔
( علامہ ہیثمی فرماتے ہیں : ) میں یہ کہتا ہوں : اس سے پہلے کتاب الایمان کے آخر میں منافقت اور منافقین اور ان کے ناموں کے بارے میں کچھ احادیث گزر چکی ہیں ۔