مجمع الزوائد ومنبع الفوائد

وَعَنْ أَبِي جُمُعَةَ قَالَ : تَغَدَّيْنَا مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَمَعَنَا أَبُو عُبَيْدَةَ بْنُ الْجَرَّاحِ فَقَالَ : يَا رَسُولَ اللَّهِ ، أَحَدٌ خَيْرٌ مِنَّا ؟ أَسْلَمْنَا مَعَكَ ، وَجَاهَدْنَا مَعَكَ ؟ قَالَ : " نَعَمْ . قَوْمٌ يَكُونُونَ مِنْ بَعْدِي ، يُؤْمِنُونَ بِي وَلَمْ يَرَوْنِي " . رَوَاهُ أَحْمَدُ ، وَأَبُو يَعْلَى ، وَالطَّبَرَانِيُّ بِأَسَانِيدَ ، وَأَحَدُ أَسَانِيدِ أَحْمَدَ رِجَالُهُ ثِقَاتٌ . ¤

سیدنا ابوجمعہ رضی اللہ عنہ بیان کرتے ہیں : ہم نے نبی اکرم صلی اللہ علیہ وسلم کے ساتھ ناشتہ کیا ہمارے ساتھ سیدنا ابوعبیدہ بن جراح رضی اللہ عنہ موجود تھے انہوں نے عرض کی : یا رسول اللہ ! کیا کوئی ہم سے بہتر بھی ہو گا ؟ جبکہ ہم نے آپ کے ہمراہ اسلام قبول کیا اور آپ کے ہمراہ جہاد میں حصہ لیا ہے ؟ تو نبی اکرم صلی اللہ علیہ وسلم نے ارشاد فرمایا : ” جی ہاں ! ایک قوم ہے ، جو میرے بعد آئے گی ، وہ مجھ پر ایمان لائیں گے ، حالانکہ انہوں نے مجھے دیکھا نہیں ہو گا ۔ “
یہ روایت امام أحمد امام ابویعلیٰ اور امام طبرانی نے مختلف اسانید کے ساتھ نقل کی ہے امام أحمد کی مختلف اسانید میں سے ایک کے رجال ” ثقہ “ ہیں ۔