مجمع الزوائد ومنبع الفوائد

وَعَنِ الْحَسَنِ قَالَ : كَانَ عَمَّارُ يَقُولُ : قَاتَلْتُ مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - الْجِنَّ وَالْإِنْسَ ، أَرْسَلَنِي إِلَى بِئْرِ بَدْرٍ ، فَلَقِيتُ الشَّيْطَانَ فِي صُورَةِ الْإِنْسِ ، فَصَارَعَنِي فَصَرَعْتُهُ ، فَجَعَلْتُ أَدُقُّهُ بِفِهْرٍ مَعِي أَوْ حَجَرٍ ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - : " عَمَّارٌ لَقِيَ الشَّيْطَانَ عِنْدَ الْبِئْرِ فَقَاتَلَهُ " . فَمَا عَدَا أَنْ رَجَعْتُ فَأَخْبَرْتُهُ ، فَقَالَ : " ذَاكَ الشَّيْطَانُ " . ¤ رَوَاهُ الطَّبَرَانِيُّ ، عَنْ شَيْخِهِ : يَعْقُوبِ بْنِ إِسْحَاقَ الْمَخْرَمِيِّ وَلَمْ أَعْرِفْهُ ، وَالْحَكَمُ بْنُ عَطِيَّةَ مُخْتَلَفٌ فِيهِ ، وَبَقِيَّةُ رِجَالِهِ رِجَالُ الصَّحِيحِ . ¤

حسن بیان کرتے ہیں : سیدنا عمار رضی اللہ عنہ یہ فرماتے تھے : میں نے نبی اکرم صلی اللہ علیہ وسلم کے ساتھ مل کر جنات اور انسانوں سے جنگ کی ہے ، نبی اکرم صلی اللہ علیہ وسلم نے مجھے بدر کے کنویں کی طرف بھیجا ، میری ملاقات انسانی شکل میں موجود ، ایک شیطان سے ہوئی ، اس نے میرے ساتھ مقابلہ کیا ، تو میں نے اُسے پچھاڑ دیا ، میں نے اپنے پاس موجود پتھر کے ذریعے اُسے کچلنا شروع کیا ، تو نبی اکرم صلی اللہ علیہ وسلم نے ارشاد فرمایا : کنویں کے پاس عمار کا سامنا ، شیطان سے ہوا ، تو عمار نے اُس کے ساتھ مقابلہ کیا ، راوی بیان کرتے ہیں : پھر میں واپس آیا اور نبی اکرم صلی اللہ علیہ وسلم کو اس بارے میں بتایا ، تو نبی اکرم صلی اللہ علیہ وسلم نے ارشاد فرمایا : وہ شیطان تھا ۔
یہ روایت امام طبرانی نے اپنے استاد یعقوب بن اسحاق مخرمی سے نقل کی ہے اور میں اُس سے واقف نہیں ہوں ، اس کی سند میں ایک راوی حکم بن عطیہ ہے ، جس کے بارے میں اختلاف پایا جاتا ہے ، اس روایت کے بقیہ رجال صحیح کے رجال ہیں ۔