مجمع الزوائد ومنبع الفوائد

وَعَنْ مُحَمَّدِ بْنِ جَحْشٍ قَالَ : افْتَخَرَتْ عَائِشَةُ وَزَيْنَبُ ، فَقَالَتْ زَيْنَبُ : أَنَا الَّتِي زَوَّجَنِي اللَّهُ مِنَ السَّمَاءِ ، وَقَالَتْ عَائِشَةُ : أَنَا الَّتِي نَزَلَ عُذْرِي حِينَ حَمَلَنِي صَفْوَانُ بْنُ الْمُعَطَّلِ ، فَقَالَتْ لَهَا زَيْنَبُ : أَيُّ شَيْءٍ قُلْتِ حِينَ رَكِبْتِ ؟ قَالَتْ : قُلْتُ : حَسْبِيَ اللَّهُ وَنِعْمَ الْوَكِيلُ . قَالَتْ : قُلْتِ كَلِمَةَ الْمُؤْمِنِينَ . رَوَاهُ الطَّبَرَانِيُّ ، وَفِيهِ الْمُعَلَّى بْنُ عِرْفَانَ ، وَهُوَ مَتْرُوكٌ . ¤

محمد بن جحش بیان کرتے ہیں : سیدہ عائشہ رضی اللہ عنہا اور سیدہ زینب رضی اللہ عنہا نے ایک دوسرے کے سامنے فخر کا اظہار کیا ، تو سیدہ زینب رضی اللہ عنہا نے یہ کہا: کہ میں وہ ہوں کہ اللہ تعالیٰ نے آسمان سے میری شادی کروائی ، سیدہ عائشہ رضی اللہ عنہا نے کہا: میں وہ ہوں کہ میرے بے گناہ ہونے کا حکم نازل ہوا ، جب صفوان بن معطل نے مجھے سواری پر سوار کروایا تھا ، سیدہ زینب رضی اللہ عنہا نے ان سے دریافت کیا : جب آپ سوار ہوئی تھیں تو آپ نے کیا پڑھا تھا ؟ سیدہ عائشہ رضی اللہ عنہا نے فرمایا : میں نے یہ پڑھا تھا ” میرے لئے اللہ تعالیٰ کافی ہے اور وہ بہترین کارساز ہے “ تو سیدہ زینب رضی اللہ عنہا نے کہا: آپ نے اہل ایمان کا کلمہ پڑھا تھا ۔
یہ روایت امام طبرانی نے نقل کی ہے اس کی سند میں ایک راوی معلیٰ بن عرفان ہے اور وہ متروک ہے ۔