مجمع الزوائد ومنبع الفوائد

وَعَنْ أَبِي صَالِحٍ - يَعْنِي الْحَنَفِيَّ - عَنْ عَلِيٍّ قَالَ : رَأَيْتُ النَّبِيَّ - صَلَّى اللَّهُ عَلَيْهِ وَسَلَّمَ - فِي مَنَامِي فَشَكَوْتُ إِلَيْهِ مَا لَقِيتُ مِنْ أُمَّتِهِ مِنَ الْأَوْلَادِ وَاللَّدَدِ فَبَكَيْتُ ، فَقَالَ لِي : " لَا تَبْكِ يَا عَلِيُّ وَالْتَفَتَ " . فَالْتَفَتُّ فَإِذَا رَجُلَانِ يَتَصَعَّدَانِ ، وَإِذَا جَلَامِيدُ يُرْضَخُ بِهَا رُءُوسُهُمَا حَتَّى تُفْضَخَ ، ثُمَّ يَرْجِعُ - أَوْ قَالَ : يَعُودُ - . قَالَ : فَغَدَوْتُ إِلَى عَلِيٍّ كَمَا كُنْتُ أَغْدُو عَلَيْهِ كُلَّ يَوْمٍ حَتَّى إِذَا كُنْتُ فِي الْخَرَّازِينَ لَقِيتُ النَّاسَ ، فَقَالُوا لِي : قُتِلَ أَمِيرُ الْمُؤْمِنِينَ . ¤ رَوَاهُ أَبُو يَعْلَى هَكَذَا ، وَلَعَلَّ الرَّائِيَ هُوَ أَبُو صَالِحٍ رَآهُ لِعَلِيٍّ ، وَأَنَّ اللَّذَيْنِ رَآهُمَا ابْنُ مُلْجَمٍ الْقَاتِلُ وَرَفِيقُهُ . وَاللَّهُ أَعْلَمُ . وَرِجَالُهُ ثِقَاتٌ . ¤

ابوصالح حنفی ، سیدنا علی رضی اللہ عنہ کا یہ بیان نقل کرتے ہیں : میں نے خواب میں نبی اکرم صلی اللہ علیہ وسلم کی زیارت کی ، میں نے آپ کے سامنے اس چیز کی شکایت کی جو مجھے آپ کی امت کی طرف سے سامنا کرنا پڑ رہا تھا ، جس کا تعلق انحراف سے تھا ، شدید دشمنی سے تھا ، میں رونے لگا ، تو نبی اکرم صلی اللہ علیہ وسلم نے فرمایا : اے علی ! تم نہ روؤ ! تم مڑ کے دیکھو ، جب میں نے مڑ کے دیکھا تو وہاں دو آدمی تھے جو اوپر چڑھ رہے تھے اور وہاں ایک پتھر تھا جس کے ذریعے ان دونوں کو کچلا جا رہا تھا یہاں تک کہ وہ دوبارہ پہلے کی طرح ہو جاتے تھے ۔ راوی کہتے ہیں : میں سیدنا علی رضی اللہ عنہ کی طرف گیا جس طرح میں روزانہ ان کے پاس جایا کرتا تھا ، یہاں تک کہ جب میں خرازین کے مقام پر تھا ، تو میری لوگوں سے ملاقات ہوئی ، انہوں نے مجھے بتایا : امیر المؤمنین کو شہید کر دیا گیا ہے ۔
یہ روایت امام ابویعلیٰ نے اسی طرح نقل کی ہے ، تاہم خواب دیکھنے والے شخص شاید ابوصالح ہیں جنہوں نے سیدنا علی رضی اللہ عنہ کے بارے میں یہ خواب دیکھا تھا اور جن دو افراد کو انہوں نے دیکھا تھا ان میں سے ایک ابن ملجم تھا ، جو سیدنا علی رضی اللہ عنہ کا قاتل تھا اور دوسرا اس کا ساتھی تھا ، باقی اللہ بہتر جانتا ہے ، اس روایت کے بقیہ رجال ثقہ ہیں ۔