مجمع الزوائد ومنبع الفوائد

وَعَنْ عَبْدِ اللَّهِ بْنِ سُبَيْعٍ قَالَ : سَمِعْتُ عَلِيًّا - عَلَيْهِ السَّلَامُ - يَقُولُ : لَتُخَضَّبَنَّ هَذِهِ مِنْ هَذِهِ ، فَمَا يَنْتَظِرُ بِيَ الْأَشْقَى ؟ قَالُوا : يَا أَمِيرَ الْمُؤْمِنِينَ ، فَأَخْبِرْنَا بِهِ نُبِيرُ عِتْرَتَهُ قَالَ : إِذًا تَقْتُلُونَ بِي غَيْرَ قَاتِلِي . قَالُوا : فَاسْتَخْلِفْ عَلَيْنَا قَالَ : لَا وَلَكِنْ أَتْرُكُكُمْ إِلَى مَا تَرَكَكُمْ رَسُولُ اللَّهِ - صَلَّى اللَّهُ عَلَيْهِ وَسَلَّمَ - قَالُوا : فَمَاذَا تَقُولُ لِرَبِّكَ إِذَا أَتَيْتَهُ ؟ قَالَ : أَقُولُ : اللَّهُمَّ تَرَكْتَنِي فِيهِمْ مَا بَدَا لَكَ ، ثُمَّ قَبَضْتَنِي إِلَيْكَ وَأَنْتَ فِيهِمْ ؛ فَإِنْ شِئْتَ أَصْلَحْتَهُمْ ، وَإِنْ شِئْتَ أَفْسَدْتَهُمْ . ¤ رَوَاهُ أَحْمَدُ وَأَبُو يَعْلَى ، وَرِجَالُهُ رِجَالُ الصَّحِيحِ غَيْرَ عَبْدِ اللَّهِ بْنِ سُبَيْعٍ ، وَهُوَ ثِقَةٌ . وَرَوَاهُ الْبَزَّارُ بِإِسْنَادٍ حَسَنٍ . ¤

عبداللہ بن سبیع بیان کرتے ہیں : میں نے سیدنا علی رضی اللہ عنہ کو یہ ارشاد فرماتے ہوئے سنا : یہ اس کے ذریعے رنگین ہو جائے گی اور میرا انتظار صرف بدنصیب ترین شخص کرے گا ، لوگوں نے کہا: اے امیر المؤمنین ! آپ ہمیں اس کے بارے میں بتائیے ، ہم اس کی نسل ہی فنا کر دیں گے ۔ سیدنا علی رضی اللہ عنہ نے فرمایا : ایسی صورت میں تم میرے قاتل کے علاوہ کسی اور کو قتل کرو گے ، لوگوں نے کہا: آپ ہم پر کسی کو اپنا نائب مقرر کر دیں ، سیدنا علی رضی اللہ عنہ نے فرمایا : جی نہیں بلکہ میں تمہیں اسی طرح چھوڑ دوں گا ، جس طرح کی صورت حال میں نبی اکرم صلی اللہ علیہ وسلم نے تم لوگوں کو چھوڑا تھا ، لوگوں نے دریافت کیا : جب آپ اپنے پروردگار کی بارگاہ میں جائیں گے ، تو آپ اپنے پروردگار کی بارگاہ میں کیا کہیں گے ، تو سیدنا علی رضی اللہ عنہ نے فرمایا : میں یہ کہوں گا کہ اے اللہ ! تو نے مجھے ان کے درمیان اس وقت تک رہنے دیا جب تک تو نے مناسب سمجھا ، پھر تو نے مجھے اپنی طرف قبض کر لیا ، لیکن تو ان کے درمیان موجود ہے ، اگر تو چاہے ، تو ان کو ٹھیک رکھ اور اگر تو چاہے تو انہیں خراب کر دے ۔
یہ روایت امام أحمد اور امام ابویعلیٰ نے نقل کی ہے ، اور اس کے رجال ” صحیح “ کے رجال ہیں البتہ عبداللہ بن سبیع کا معاملہ مختلف ہے اور وہ ثقہ ہے ۔
یہ روایت امام بزار نے حسن سند کے ساتھ نقل کی ہے ۔