مجمع الزوائد ومنبع الفوائد

وَعَنْ أَبِي هُرَيْرَةَ قَالَ : قَالَ رَجُلٌ : يَا رَسُولَ اللَّهِ ، إِنَّ فُلَانَةَ ، فَذَكَرَ مِنْ كَثْرَةِ صَلَاتِهَا وَصَدَقَتِهَا وَصِيَامِهَا غَيْرَ أَنَّهَا تُؤْذِي جِيرَانَهَا بِلِسَانِهَا . قَالَ : " هِيَ فِي النَّارِ " . قَالَ : يَا رَسُولَ اللَّهِ ، فَإِنَّ فُلَانَةَ ، فَذَكَرَ مِنْ قِلَّةِ صِيَامِهَا وَصَلَاتِهَا وَأَنَّهَا تَصَدَّقُ بِالْأَثْوَارِ مِنَ الْأَقِطِ ، وَلَا تُؤْذِي بِلِسَانِهَا جِيرَانَهَا . قَالَ : " هِيَ فِي الْجَنَّةِ " . رَوَاهُ أَحْمَدُ وَالْبَزَّارُ ، وَرِجَالُهُ ثِقَاتٌ . ¤

سیدنا ابوہریرہ رضی اللہ عنہ بیان کرتے ہیں : ایک شخص نے عرض کی : یا رسول اللہ ! فلاں عورت ، راوی بیان کرتے ہیں : اس شخص نے اُس عورت کی نماز ، صدقہ کرنے اور روزہ رکھنے میں کثرت کا ذکر کیا ، اور یہ بتایا : تاہم وہ اپنی زبان کے ذریعے اپنے پڑوسیوں کو اذیت پہنچاتی ہے ، تو نبی اکرم صلی اللہ علیہ وسلم نے ارشاد فرمایا : وہ جہنم میں جائے گی ، اس شخص نے عرض کی : یا رسول اللہ ! فلاں عورت کا یہ معاملہ ہے ، اس نے یہ بتایا کہ اُس عورت کا روزہ صدقہ کرنا اور نماز کم ہیں ، تاہم وہ پنیر کے ٹکڑے صدقہ کر دیتی ہے ، اور اپنے پڑوسیوں کو اپنی زبان کے ذریعے اذیت نہیں دیتی ہے ، تو نبی اکرم صلی اللہ علیہ وسلم نے ارشاد فرمایا : وہ جنت میں جائے گی ۔ “
یہ روایت امام أحمد اور امام بزار نے نقل کی ہے ، اور اس کے رجال ثقہ ہیں ۔