مجمع الزوائد ومنبع الفوائد

وَعَنْ أَبِي هُرَيْرَةَ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ : " وَاللَّهِ لَا يُؤْمِنُ ، وَاللَّهِ لَا يُؤْمِنُ ، وَاللَّهِ لَا يُؤْمِنُ " . قَالُوا : وَمَا ذَاكَ يَا رَسُولَ اللَّهِ ؟ قَالَ : " جَارٌ لَا يَأْمَنُ جَارُهُ بَوَائِقَهُ " . قَالُوا : يَا رَسُولَ اللَّهِ ، وَمَا بَوَائِقُهُ ؟ قَالَ : " شَرُّهُ " . قُلْتُ : لِأَبِي هُرَيْرَةَ فِي الصَّحِيحِ : " لَا يَدْخُلُ الْجَنَّةَ مَنْ لَا يَأْمَنُ جَارُهُ بَوَائِقَهُ " . رَوَاهُ أَحْمَدُ ، وَرِجَالُهُ رِجَالُ الصَّحِيحِ . ¤

سیدنا ابوہریرہ رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” اللہ کی قسم ! وہ مومن نہیں ہو گا ، اللہ کی قسم ! وہ مومن نہیں ہو گا ، اللہ کی قسم ! وہ مومن نہیں ہو گا ، لوگوں نے دریافت کیا : یا رسول اللہ ! کون ؟ نبی اکرم صلی اللہ علیہ وسلم نے ارشاد فرمایا : ایسا پڑوسی ، جس کا پڑوسی اُس کے بوائق سے محفوظ نہ ہو ، لوگوں نے دریافت کیا : یا رسول اللہ ! اس کے بوائق سے مراد کیا ہے ؟ نبی اکرم صلی اللہ علیہ وسلم نے فرمایا : اس کا شر ۔ علامہ ہیثمی فرماتے ہیں : میں یہ کہتا ہوں : سیدنا ابوہریرہ رضی اللہ عنہ کے حوالے سے صحیح میں یہ حدیث مذکور ہے : ” وہ شخص جنت میں داخل نہیں ہو گا ، جس کا پڑوسی اُس کے بوائق ( یعنی شر ) سے محفوظ نہ ہو ۔ “
یہ روایت امام أحمد نے نقل کی ہے ، اور اس کے رجال ” صحیح “ کے رجال ہیں ۔