مجمع الزوائد ومنبع الفوائد

وَعَنْ أَبِي هُرَيْرَةَ قَالَ : بَيْنَا نَحْنُ جُلُوسٌ عِنْدَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - إِذْ طَلَعَ عَلَيْنَا شَابٌّ مِنْ ثَنِيَّةٍ ، فَلَمَّا دَنَا مِنَّا قُلْنَا : لَوْ أَنَّ هَذَا الشَّابَّ جَعَلَ قُوَّتَهُ وَشَبَابَهُ فِي سَبِيلِ اللَّهِ . فَسَمِعَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - مَقَالَتَنَا فَقَالَ : " أَمَا فِي سَبِيلِ اللَّهِ إِلَّا مَنْ قُتِلَ ؟ ! مَنْ سَعَى عَلَى وَالِدَيْهِ فَفِي سَبِيلِ اللَّهِ ، وَمَنْ سَعَى لِيُكَاثِرَ فَفِي سَبِيلِ الطَّاغُوتِ " . رَوَاهُ الْبَزَّارُ وَالطَّبَرَانِيُّ فِي الْأَوْسَطِ بِنَحْوِهِ وَزَادَ : " وَمَنْ سَعَى عَلَى عِيَالِهِ فَفِي سَبِيلِ اللَّهِ " . وَفِيهِ رَبَاحُ بْنُ عُمَرَ وَثَّقَهُ أَبُو حَاتِمٍ وَضَعَّفَهُ غَيْرُهُ ، وَبَقِيَّةُ رِجَالِهِ رِجَالُ الصَّحِيحِ . ¤

سیدنا ابوہریرہ رضی اللہ عنہ بیان کرتے ہیں : ایک مرتبہ ہم نبی اکرم صلی اللہ علیہ وسلم کے پاس بیٹھے ہوئے تھے ، اسی دوران گھاٹی کی طرف سے ایک نوجوان ہمارے سامنے آیا ، جب وہ ہمارے قریب آیا تو ہم نے کہا: کاش اس نوجوان نے اپنی جوانی اور اپنی قوت کو اللہ کی راہ میں خرچ کیا ہوتا ، نبی اکرم صلی اللہ علیہ وسلم نے ہماری بات سن لی ، تو آپ صلی اللہ علیہ وسلم نے ارشاد فرمایا : ” کیا اللہ کی راہ میں صرف وہ ہوتا ہے ، جو قتل ہوتا ہے ، جو شخصٓ اپنے ماں باپ کے لئے محنت مزدوری کرتا ہے ، وہ اللہ کی راہ میں شمار ہوتا ہے اور جو شخص مال میں کثرت کے لئے کوشش کرتا ہے ، وہ طاغوت ( یعنی شیطان ) کے راستے میں شمار ہوتا ہے ۔ “
یہ روایت امام بزار نے نقل کی ہے امام طبرانی نے معجم اوسط میں اس کی مانند نقل کی ہے اور یہ الفاظ زائد نقل کئے ہیں : ” جو شخص اپنے بال بچوں کے لئے مزدوری کرتا ہے ، وہ اللہ کی راہ میں ہوتا ہے ۔ “ اس روایت کی سند میں ایک راوی رباح بن عمر ہے جسے ابوحاتم نے ثقہ قرار دیا ہے اور دیگر حضرات نے اسے ضعیف کہا: ہے اس روایت کے بقیہ رجال صحیح کے رجال ہیں ۔