مجمع الزوائد ومنبع الفوائد

وَعَنْ حُمَيْدِ بْنِ عَبْدِ الرَّحْمَنِ بْنِ عَوْفٍ قَالَ : سَمِعَ عَبْدُ الرَّحْمَنِ بْنُ عَوْفٍ رَجُلًا يَقُولُ : أَنَا أَوْلَى النَّاسِ بِرَسُولِ اللَّهِ - صَلَّى اللَّهُ عَلَيْهِ وَسَلَّمَ . فَقَالَ : غَيْرُكَ أَوْلَى بِهِ مِنْكَ ، وَلَكَ نَسَبُهُ . ¤ رَوَاهُ الطَّبَرَانِيُّ عَنْ شَيْخِهِ الْمِقْدَامِ بْنِ دَاوُدَ وَهُوَ ضَعِيفٌ . ¤

حمید بن عبدالرحمن بن عوف بیان کرتے ہیں : سیدنا عبدالرحمن بن عوف رضی اللہ عنہ نے ایک شخص کو یہ کہتے ہوئے سنا کہ میں نبی اکرم صلی اللہ علیہ وسلم کا زیادہ قریبی ہوں ، تو سیدنا عبدالرحمن بن عوف رضی اللہ عنہ نے فرمایا : تمہارے علاوہ دوسرے ( لوگ ) نبی اکرم صلی اللہ علیہ وسلم سے تم سے زیادہ قریب ہیں ، البتہ تمہیں آپ صلی اللہ علیہ وسلم کے ساتھ نسبی تعلق کا شرف حاصل ہے ۔
یہ روایت امام طبرانی نے اپنے استاد مقدام بن داؤد کے حوالے سے نقل کی ہے اور وہ ضعیف ہے ۔