مجمع الزوائد ومنبع الفوائد

وَعَنِ الزُّبَيْرِ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ : " دَبَّ إِلَيْكُمْ دَاءُ الْأُمَمِ قَبْلَكُمُ : الْبَغْضَاءُ وَالْحَسَدُ ، وَالْبَغْضَاءُ هِيَ الْحَالِقَةُ ، لَيْسَ حَالِقَةَ الشَّعْرِ ، وَلَكِنْ حَالِقَةَ الدِّينِ ، وَالَّذِي نَفْسِي بِيَدِهِ لَا تَدْخُلُوا الْجَنَّةَ حَتَّى تُؤْمِنُوا ، وَلَا تُؤْمِنُوا حَتَّى تَحَابُّوا ، أَلَا أُنْبِئُكُمْ بِمَا يُثْبِتُ لَكُمْ ذَلِكَ ؟ أَفْشُوا السَّلَامَ بَيْنَكُمْ " . ¤ رَوَاهُ الْبَزَّارُ وَإِسْنَادُهُ جَيِّدٌ . ¤

سیدنا زبیر رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” تم سے پہلے کی امتوں کی بیماری تم میں بھی آ جائے گی ، اور وہ آپس میں بغض رکھنا اور حسد رکھنا ہے ، اور بغض مونڈ دینے والی چیز ہے ، یہ بالوں کو مونڈنے والی چیز نہیں ہے ، بلکہ دین کو مونڈنے والی چیز ہے ۔ اس ذات کی قسم ! جس کے دست قدرت میں میری جان ہے ، تم لوگ اس وقت تک جنت میں داخل نہیں ہو گے ، جب تک تم مومن نہیں ہو جاتے اور تم اس وقت تک مومن نہیں ہو گے ، جب تک تم ایک دوسرے سے محبت نہیں رکھتے ، کیا میں تمہیں اس چیز کے بارے میں نہ بتاؤں ؟ جو تمہارے لئے اس چیز ( یعنی باہمی محبت ) کو ثابت کر دے ؟ تم اپنے درمیان سلام کو پھیلاؤ ۔ “
یہ روایت امام بزار نے نقل کی ہے ، اور اس کی سند عمدہ ہے ۔