مجمع الزوائد ومنبع الفوائد

عَنِ الْحَسَنِ - يَعْنِي الْبَصْرِيَّ - قَالَ : سَمِعْتُ جُنْدُبًا يُحَدِّثُ عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ : " كَيْفَ أَنْتُمْ بِأَقْوَامٍ يَدْخُلُ قَادَتُهُمُ الْجَنَّةَ ، وَيَدْخُلُ أَتْبَاعُهُمُ النَّارَ ؟ " . قَالُوا : يَا رَسُولَ اللَّهِ ، وَإِنْ عَمِلُوا بِمِثْلِ أَعْمَالِهِمْ ؟ فَقَالَ : " وَإِنْ عَمِلُوا بِمِثْلِ أَعْمَالِهِمْ " . قَالُوا : وَأَنَّى يَكُونُ ذَلِكَ يَا رَسُولَ اللَّهِ ؟ قَالَ : " يَدْخُلُ قَادَتُهُمُ الْجَنَّةَ بِمَا سَبَقَ لَهُمْ ، وَيَدْخُلُ الْأَتْبَاعُ النَّارَ بِمَا أَحْدَثُوا " . ¤ رَوَاهُ الطَّبَرَانِيُّ فِي الْأَوْسَطِ ، وَفِيهِ الصَّلْتُ بْنُ دِينَارٍ وَهُوَ مَتْرُوكٌ . ¤

حسن بصری بیان کرتے ہیں : میں نے سیدنا جندب رضی اللہ عنہ کو نبی اکرم صلی اللہ علیہ وسلم کے حوالے سے یہ بات بیان کرتے ہوئے سنا ہے کہ نبی اکرم صلی اللہ علیہ وسلم نے ارشاد فرمایا : ” اس وقت تمہارا کیا عالم ہو گا ؟ جب تم ایسے لوگوں میں ہو گے کہ جن کی قیادت کرنے والے لوگ جنت میں جائیں گے اور اُن ( قائدین ) کی پیروی کرنے والے جہنم میں جائیں گے ، لوگوں نے عرض کی : یا رسول اللہ ! اگرچہ وہ ان کی مانند عمل کرتے ہوں ؟ نبی اکرم صلی اللہ علیہ وسلم نے فرمایا : اگرچہ انہوں نے ان کی مانند عمل کیا ہو ، لوگوں نے عرض کی : یا رسول اللہ ! یہ کیسے ہو گا ؟ نبی اکرم صلی اللہ علیہ وسلم نے فرمایا : ان کو قیادت کرنے والے اُس چیز کے حوالے سے جنت میں جائیں گے جو کام وہ پہلے کر چکے ہوں گے اور پیروی کرنے والے اس وجہ سے جہنم میں جائیں گے ، جو کام انہوں نے بعد میں کیا ہو گا ۔ “
یہ روایت امام طبرانی نے معجم اوسط میں نقل کی ہے ، اس کی سند میں ایک راوی صلت بن دینار ہے اور وہ متروک ہے ۔