مجمع الزوائد ومنبع الفوائد

وَعَنْ أَنَسِ بْنِ مَالِكٍ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَرَأَ : "وَكَتَبْنَا عَلَيْهِمْ فِيهَا أَنَّ النَّفْسَ بِالنَّفْسِ وَالْعَيْنُ بِالْعَيْنِ" بِنَصْبِ النَّفْسِ ، وَرَفْعِ الْعَيْنِ . قُلْتُ : رَوَاهُ أَبُو دَاوُدَ غَيْرَ قَوْلِهِ : نَصْبِ النَّفْسِ ، وَرَفْعِ الْعَيْنِ . رَوَاهُ أَحْمَدُ ، وَرِجَالُهُ رِجَالُ الصَّحِيحِ غَيْرَ أَبِي عَلِيِّ بْنِ يَزِيدَ ، وَهُوَ ثِقَةٌ . ¤

سیدنا انس بن مالک رضی اللہ عنہ بیان کرتے ہیں : نبی اکرم صلی اللہ علیہ وسلم نے یہ آیت تلاوت کی : ” اور ہم نے اس کتاب میں ، اُن پر یہ لازم قرار دیا تھا کہ جان کا بدلہ جان ، اور آنکھ کا بدلہ آنکھ ہے “ ۔ راوی کہتے ہیں : یعنی اس میں نبی اکرم صلی اللہ علیہ وسلم نے لفظ ” نفس “ پر ” زبر “ پڑھی اور لفظ ” عین “ پر پیش پڑھی ہے ۔
( علامہ ہیثمی فرماتے ہیں : ) میں یہ کہتا ہوں : یہ روایت امام ابوداؤد نے نقل کی ہے ، تاہم انہوں نے یہ الفاظ نقل نہیں کیے ہیں : لفظ ” نفس “ پر ” زبر “ پڑھی اور لفظ ” عین “ پر ” پیش “ پڑھی ہے ۔
یہ روایت امام أحمد نے نقل کی ہے اور اس کے رجال صحیح کے رجال ہیں ، صرف ابوعلی بن یزید کا معاملہ مختلف ہے اور وہ ثقہ ہے ۔