مجمع الزوائد ومنبع الفوائد

سیدنا عبداللہ بن عباس رضی اللہ عنہما کے بارے میں یہ بات منقول ہے : وہ یہ الفاظ یوں پڑھتے : «قُلُوبُنَا غُلَّفٌ» یعنی ’ شد ، کے ساتھ پڑھتے تھے یعنی یہ حکمت کے برتن ہیں ، یعنی ان کی تعلیم کیسے دی جا سکتی ہے ، جبکہ ہمارے دل حکمت کے برتن ہیں ، یعنی حکمت کے برتن ہیں ۔
یہ روایت امام طبرانی نے معجم اوسط میں نقل کی ہے ، اس کی سند میں ایک راوی سلیمان بن ارقم ہے اور وہ متروک ہے ۔

سیدنا عبداللہ بن عمر رضی اللہ عنہما بیان کرتے ہیں : انصار سے تعلق رکھنے والے دو آدمیوں نے ایک سورت پڑھی ، وہ سورت نبی اکرم صلی اللہ علیہ وسلم نے ان دونوں کو سکھائی تھی ، وہ دونوں اُس کو پڑھ رہے تھے ، ایک رات وہ دونوں نماز ادا کر رہے تھے ، تو نبی اکرم صلی اللہ علیہ وسلم نے ارشاد فرمایا : یہ ان میں سے ہے ، جسے نسخ کر دیا گیا ہے ، یا جسے بھلا دیا گیا ، تو تم دونوں اس سے غافل ہو جاؤ گے “ ۔ راوی بیان کرتے ہیں : زہری اس آیت کو یوں پڑھا کرتے تھے : ” ہم جو بھی آیت منسوخ کرتے ہیں ، یا اُسے بھلا دیتے ہیں “ یعنی ” ان “ پر پیش پڑھتے تھے اور اُسے تخفیف کے ساتھ پڑھتے تھے ۔
یہ روایت امام طبرانی نے معجم اوسط میں نقل کی ہے ، اس کی سند میں ایک راوی سلیمان بن ارقم ہے اور وہ متروک ہے ۔

سیدنا عمر بن خطاب رضی اللہ عنہ کے غلام عمرو بن رافع بیان کرتے ہیں : وہ نبی اکرم صلی اللہ علیہ وسلم کی ازواج کے زمانہ میں قرآن مجید لکھا کرتے تھے ، وہ بیان کرتے ہیں : سیدہ حفصہ رضی اللہ عنہا نے مجھ سے قرآن مجید لکھوایا اور یہ فرمایا : جب تم سورت بقرہ کی اس آیت پر پہنچو گے ، تو اسے تم اس وقت تک نہ لکھنا ، جب تک تم پہلے میرے پاس نہیں لے آتے ، میں یہ تمہیں اُس طرح املا کرواؤں گی ، جس طرح میں نے نبی اکرم صلی اللہ علیہ وسلم کی زبانی سن کر یہ یاد رکھی ہے ، راوی کہتے ہیں : جب میں اُس مقام پر پہنچا ، تو میں وہ ورقہ لے کے آیا ، جس میں ، میں نے وہ آیت لکھنی تھی ، تو سیدہ حفصہ رضی اللہ عنہا نے فرمایا : تم یہ لکھو : ” تم نمازوں کی حفاظت کرو اور درمیانی نماز کی اور عصر کی نماز کی اور اللہ تعالیٰ کی بارگاہ میں عاجزی کے ساتھ کھڑے رہو “ ۔
یہ روایت امام ابویعلیٰ نے نقل کی ہے اور اس کے رجال ثقہ ہیں ۔

ابوخالد کنانی ، سیدنا عبداللہ بن مسعود رضی اللہ عنہ کے بارے میں یہ بات نقل کرتے ہیں : وہ اس کو یوں پڑھتے تھے :
یہ روایت امام طبرانی نے نقل کی ہے ابوخالد نامی راوی سے میں واقف نہیں ہوں ، اس روایت کے بقیہ رجال ثقہ ہیں ۔

سیدنا انس بن مالک رضی اللہ عنہ بیان کرتے ہیں : نبی اکرم صلی اللہ علیہ وسلم نے یہ آیت تلاوت کی : ” اور ہم نے اس کتاب میں ، اُن پر یہ لازم قرار دیا تھا کہ جان کا بدلہ جان ، اور آنکھ کا بدلہ آنکھ ہے “ ۔ راوی کہتے ہیں : یعنی اس میں نبی اکرم صلی اللہ علیہ وسلم نے لفظ ” نفس “ پر ” زبر “ پڑھی اور لفظ ” عین “ پر پیش پڑھی ہے ۔
( علامہ ہیثمی فرماتے ہیں : ) میں یہ کہتا ہوں : یہ روایت امام ابوداؤد نے نقل کی ہے ، تاہم انہوں نے یہ الفاظ نقل نہیں کیے ہیں : لفظ ” نفس “ پر ” زبر “ پڑھی اور لفظ ” عین “ پر ” پیش “ پڑھی ہے ۔
یہ روایت امام أحمد نے نقل کی ہے اور اس کے رجال صحیح کے رجال ہیں ، صرف ابوعلی بن یزید کا معاملہ مختلف ہے اور وہ ثقہ ہے ۔

مسعود بن یزید کندی بیان کرتے ہیں : سیدنا عبداللہ بن مسعود رضی اللہ عنہ ایک شخص کو پڑھا رہے تھے ، اُس شخص نے یہ آیت پڑھی : ” بے شک صدقات ، غریبوں اور مسکینوں کے لئے ہیں “ ۔ یعنی اس نے اسے ” مرسل “ طور پر پڑھا ، تو سیدنا عبداللہ بن مسعود رضی اللہ عنہ نے فرمایا : اللہ کے رسول نے مجھے یہ اس طرح نہیں پڑھائی ہے ، اس نے دریافت کیا : اے ابوعبدالرحمن ! انہوں نے آپ کو یہ کیسے پڑھائی ہے ؟ تو سیدنا عبداللہ بن مسعود رضی اللہ عنہ نے فرمایا : انہوں نے مجھے یوں پڑھائی ہے : ” بے شک صدقات ، غریبوں اور مسکینوں کے لئے ہیں ۔ ۔ ۔ ۔ ۔ ۔ ۔ “ ۔ اور پھر انہوں نے اُسے کھینچا ۔
یہ روایت امام طبرانی نے نقل کی ہے اور اس کے رجال ثقہ ہیں ۔

سیدنا عبداللہ بن مسعود رضی اللہ عنہ کے بارے میں یہ بات منقول ہے : وہ اس آیت کو یوں پڑھتے تھے : «مجراها وَمَرْسَاهَا»
یہ روایت امام طبرانی نے نقل کی ہے اور اس کے رجال ثقہ ہیں ۔

سیدہ عائشہ صدیقہ رضی اللہ عنہا بیان کرتی ہیں : نبی اکرم صلی اللہ علیہ وسلم نے اس آیت کو یوں پڑھا : ” بے شک یہ ایسا عمل ہے ، جو نیک نہیں ہے “ ۔
یہ روایت امام طبرانی نے معجم اوسط میں نقل کی ہے ، اس کی سند میں ایک راوی حمید بن ازرق ہے اور میں اُس سے واقف نہیں ہوں ، اس روایت کے بقیہ رجال ثقہ ہیں ۔

شقیق بیان کرتے ہیں : ہم سیدنا عبداللہ بن مسعود رضی اللہ عنہ کے پاس موجود تھے ، ہم نے یہ پڑھا : ” «هيت لك» “ تو سیدنا عبداللہ رضی اللہ عنہ نے فرمایا : جی نہیں ! ” «هَيْتَ لَك» “ پڑھو ، ہم نے اس بارے میں دریافت کیا تو انہوں نے فرمایا : میں اس طرح پڑھوں جس طرح مجھے تعلیم دی گئی ہے یہ میرے نزدیک زیادہ پسندیدہ ہے ۔
یہ روایت امام طبرانی نے نقل کی ہے اور اس کے رجال ثقہ ہیں ۔

سیدنا عبداللہ بن عمر رضی اللہ عنہما بیان کرتے ہیں : نبی اکرم صلی اللہ علیہ وسلم نے یہ آیت تلاوت کی : ” اور وہ شخص جس کے پاس کتاب کا علم ہے “ ۔
یہ روایت امام ابویعلیٰ نے نقل کی ہے ، اس کی سند میں ایک راوی سلیمان بن ارقم ہے اور وہ متروک ہے ۔

سیدنا عبداللہ بن مسعود رضی اللہ عنہ کے بارے میں یہ بات منقول ہے کہ انہوں نے یہ آیت پڑھی : ” اس کا رُخ جس طرف بھی کیا جائے ، وہ بھلائی نہیں لائے گا “ ۔
یہ روایت امام طبرانی نے نقل کی ہے ، اس کی سند میں ایک راوی یحییٰ بن عبدالحمید حمانی ہے اور وہ ضعیف ہے ۔

اعمش بیان کرتے ہیں : سیدنا عبداللہ بن مسعود رضی اللہ عنہ یہ آیت پڑھتے تھے : ” اور تمہارے پروردگار نے یہ طے کیا ہے کہ تم لوگ صرف اُسی کی عبادت کرو “ ۔
یہ روایت امام طبرانی نے نقل کی ہے ، اس کی سند منقطع ہے ، اس کی سند میں ایک راوی یحیی حمانی ہے اور وہ ضعیف ہے ۔

سیدنا عبداللہ بن مسعود رضی اللہ عنہ بیان کرتے ہیں : نبی اکرم صلی اللہ علیہ وسلم نے یہ آیت تلاوت کی : «فِي عَيْنٍ حَمِئَةٍ» ۔
یہ روایت امام طبرانی نے معجم صغیر میں ، اپنے استاد ولید بن عباس مصری کے حوالے سے نقل کی ہے ، جسے امام دارقطنی رحمہ اللہ نے ضعیف قرار دیا ہے ۔

سیدنا عبداللہ بن عباس رضی اللہ عنہما بیان کرتے ہیں : میں نے پوری سنت کو یاد رکھا ہے ، لیکن مجھے یہ نہیں معلوم کہ قرآن میں یہ حرف کیسے پڑھا جائے گا : ﴿وَقَدْ بَلَغْتُ مِنَ الْكِبَرِ عَتِيًّا﴾ پڑھا جائے گا یا اس کو «عسيا» پڑھا جائے گا “ ۔
یہ روایت امام أحمد نے نقل کی ہے اور اس کے رجال صحیح کے رجال ہیں ۔

تمیم بن حذلم بیان کرتے ہیں : میں نے سیدنا عبداللہ رضی اللہ عنہ کے سامنے پورا قرآن پڑھا ، انہوں نے صرف دو مقام پر میری غلطی نکالی ، میں نے پڑھا تھا : «وَكُلٌّ آتَوُهُ دَاخِرِينَ» تو انہوں نے کہا: «وَكُلُّ أَتَوْهُ دَاخِرِين» میں نے یہ پڑھا تھا : «حَتَّى إِذَا اسْتَيْأَسَ الرُّسُلُ وَظَنُّوا أَنَّهُمْ قَدْ كُذِبُوا» تو انہوں نے پڑھا : «وَظَنُّوا أَنَّهُمْ قَدْ كُذِبُوا ۔ »
یہ روایت امام طبرانی نے نقل کی ہے اور اس کے رجال ثقہ ہیں ۔

سیدنا عبداللہ رضی اللہ عنہ کے بارے میں یہ بات منقول ہے کہ انہوں نے یہ آیت پڑھی : ﴿بَلْ عَجِبْتُ وَيَسْخَرُونَ﴾
یہ روایت امام طبرانی نے اپنے استاد عبداللہ بن محمد بن سعید بن ابومریم کے حوالے سے نقل کی ہے اور وہ ضعیف ہے ، اور اس کی سند منقطع ہے ۔

سیدنا ابوبکرہ رضی اللہ عنہ بیان کرتے ہیں : نبی اکرم صلی اللہ علیہ وسلم نے یہ آیت تلاوت کی : ” جی ہاں ! بلکہ تمہارے پاس میری آیات آ گئیں اور تم نے اُن کی تکذیب کی اور تم نے تکبر کیا “ ۔
یہ روایت امام بزار نے نقل کی ہے ، اس کی سند میں ایک راوی عاصم جحدری ہے اور وہ قرآن کا عالم ہے ، امام ذہبی کہتے ہیں : اس کی قرأت شاذ ہوتی ہے اور اس کی قرات میں منکر چیزیں ہیں ، اس روایت کے بقیہ رجال ثقہ ہیں ، اس کے بعض راویوں میں ضعف پایا جاتا ہے ، عاصم نے سیدنا ابوبکرہ رضی اللہ عنہ سے سماع نہیں کیا ہے ۔

سیدنا ابوبکرہ رضی اللہ عنہ بیان کرتے ہیں : نبی اکرم صلی اللہ علیہ وسلم یہ آیات پڑھا کرتے تھے :
یہ روایت امام بزار نے نقل کی ہے ، اس کی سند میں ایک راوی عاصم جحدری ہے ، جس کے بارے میں کلام ، اس سے پہلے والی حدیث میں گزر چکا ہے ۔

سیدنا قطبہ بن مالک رضی اللہ عنہ بیان کرتے ہیں : میں نے نبی اکرم صلی اللہ علیہ وسلم کو یہ پڑھتے ہوئے سنا : «وَالنَّخْلَ بَاصِقَاتٍ» ، یعنی یہ ” ص “ کے ساتھ ہے ۔
( علامہ ہیثمی فرماتے ہیں : ) میں یہ کہتا ہوں : یہ لفظ ” صحیح “ میں اور دیگر کتابوں میں ” س“ کے ساتھ ( یعنی «وَالنَّخْلَ بَاسِقَاتٍ» ) مذکور ہے ۔
یہ روایت امام بزار نے ، اپنے استاد عبیداللہ بن محمد بن صبیح کے حوالے سے نقل کی ہے اور میں اُس سے واقف نہیں ہوں ، اس روایت کے بقیہ رجال ثقہ ہیں ۔

سیدنا عبداللہ بن عمر رضی اللہ عنہما کے بارے میں یہ بات منقول ہے : وہ بیان کرتے ہیں : نبی اکرم صلی اللہ علیہ وسلم نے یہ آیت پڑھی ﴿فَرُوحٌ وَرَيْحَانٌ﴾
یہ روایت امام طبرانی نے معجم صغیر اور معجم اوسط میں نقل کی ہے اور اس کے رجال ثقہ ہیں ۔

سیدنا عبداللہ بن عمر رضی اللہ عنہما فرماتے ہیں : میں نے نبی اکرم صلی اللہ علیہ وسلم کے سامنے سورت واقعہ پڑھی ، جب میں اس مقام پر پہنچا «فَروخ و ريحان» تو نبی اکرم صلی اللہ علیہ وسلم نے مجھ سے فرمایا : ” اے ابن عمر ! “ ۔
یہ روایت امام طبرانی نے معجم اوسط میں ، اسی سند کے ساتھ نقل کی ہے ، جو اس سے پہلے والی روایت کی ہے ۔

سيدنا عبدالله بن عمر رضی اللہ عنہما بیان کرتے ہیں : نبی اکرم صلی اللہ علیہ وسلم نے یہ آیت تلاوت کی :
﴿فَشَارِبُونَ شُرْبَ الْهِيم ﴾
” وہ یوں پیں گے ، جیسے سخت پیاسے اونٹ پیتے ہیں “
یہ روایت امام طبرانی نے معجم اوسط میں نقل کی ہے ۔

اعمش بیان کرتے ہیں : میں نے سیدنا انس بن مالک رضی اللہ عنہ کو اللہ تعالیٰ کے اس فرمان کے بارے میں یہ کہتے ہوئے سنا : «وَ أَقْوَمُ قِيلًا» انہوں نے فرمایا : «واصدق» بھی ہو سکتا ہے ، اُن سے کہا: گیا : آپ تو «واقوم» پڑھتے ہیں ، انہوں نے فرمایا : ” اقوم “ اور ” اصدق“ ایک ہی مطلب رکھتے ہیں ۔
یہ روایت امام بزار نے نقل کی ہے اور امام ابویعلیٰ نے اس کی مانند نقل کی ہے ، تاہم انہوں نے یہ الفاظ نقل کیے ہیں : «و اصوب قيلا» انہوں نے یہ فرمایا کہ اقوم ، اصوب ، احیا اور اس جیسے دیگر الفاظ ایک ہی مفہوم رکھتے ہیں اور اس میں اعمش نے یہ بات نہیں کہی ہے کہ میں نے سیدنا انس رضی اللہ عنہ کو سنا ، امام ابویعلیٰ کے رجال صحیح کے رجال ہیں اور امام بزار کے رجال ثقہ ہیں ۔
( علامہ ہیثمی فرماتے ہیں : ) میں یہ کہتا ہوں : اس نوعیت کی دیگر احادیث ، اس متعلقہ سورت سے متعلق باب میں گزر چکی ہیں ۔