مجمع الزوائد ومنبع الفوائد

وَعَنْ جَابِرٍ قَالَ : رُفِعَ إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - رَجُلٌ طَعَنَ رَجُلًا عَلَى فَخِذِهِ بِقَرْنٍ فَقَالَ الَّذِي طُعِنَتْ فَخِذُهُ : أَقِدْنِي يَا رَسُولَ اللَّهِ . فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - : " دَاوِهَا وَاسْتَأْنِ بِهَا حَتَّى تَنْظُرَ إِلَى مَا تَصِيرُ " . ¤ فَقَالَ : أَقِدْنِي يَا رَسُولَ اللَّهِ ، فَقَالَ لَهُ مِثْلَ ذَلِكَ ، فَقَالَ الرَّجُلُ : أَقِدْنِي يَا رَسُولَ اللَّهِ ، فَأَقَادَهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَيَبِسَتْ رِجْلُ الَّذِي اسْتَقَادَ ، وَبَرِئَ الَّذِي يَسْتَقِيدُ مِنْهُ ، فَأَبْطَلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - دِيَتَهَا . ¤

سیدنا جابر رضی اللہ عنہ بیان کرتے ہیں : نبی اکرم صلی اللہ علیہ وسلم کے سامنے ایک مقدمہ پیش کیا گیا کہ ایک شخص نے دوسرے شخص کے زانوں پر ( کسی جانور کا ) سینگ مارا تھا ، جس شخص کو چوٹ لگی تھی اس نے عرض کی : یا رسول اللہ ! آپ مجھے بدلہ دلوایئے نبی اکرم صلی اللہ علیہ وسلم نے فرمایا : تم اس زخم کا علاج کرو اور اس کے ٹھیک ہونے کا انتظار کرو تاکہ یہ پتہ چل جائے کہ کیا صورت حال سامنے آتی ہے اس نے عرض کی : یا رسول اللہ ! آپ مجھے بدلہ دلوایئے نبی اکرم صلی اللہ علیہ وسلم نے پھر اس کی مانند بات ارشاد فرمائی اس شخص نے عرض کی : یا رسول اللہ ! آپ مجھے بدلہ دلوایئے نبی اکرم صلی اللہ علیہ وسلم نے اسے بدلہ دلوایا جس شخص نے بدلہ لیا تھا اس کی ٹانگ سوکھ گئی اور جس شخص سے بدلہ لیا گیا تھا اس کی ٹانگ ٹھیک ہو گئی تو نبی اکرم صلی اللہ علیہ وسلم نے اس کی دیت کو رائیگاں قرار دیا ۔