إتحاف الخيرة المهرة بزوائد المسانيد العشرة
كتاب الصلاة— نماز کا بیان۔
باب المحافظة على الصلوات باب: نمازوں کی پابندی کا بیان۔
قَالَ: وَثَنَا الْعَبَّاسُ بْنُ الْوَلِيدِ، ثَنَا يُوسُفُ بْنُ خَالِدٍ، عَنْ (مُحَمَّدِ ) بْنِ إِسْحَاقَ، أَنَّهُ سَمِعَ عَطَاءَ بْنَ يَسَارٍ يُحَدِّثُ عَنْ مَيْمُونَةَ زَوْجِ النَّبِيِّ صَلَّى اللَّهُ عَلَيْهِ وَسَلَّمَ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: "قَالَ اللَّهُ - تَبَارَكَ وَتَعَالَى - : مَنْ آذَى لِي وَلِيًّا فَقَدِ اسْتَحَقَّ مُحَارَبَتِي، وَمَا تَقَرَّبَ إِلَيَّ عَبْدِي بِمِثْلِ أَدَاءِ فَرَائِضِي، وَإِنَّهُ لَيَتَقَرَّبُ إِلَيَّ بِالنَّوَافِلِ حَتَّى أُحِبَّهُ؟ فَإِذَا أَحْبَبْتُهُ كُنْتُ رِجْلَهُ الَّتِي بِهَا يَمْشِي، وَيَدَهُ الَّتِي يَبْطِشُ بِهَا، وَلِسَانَهُ الَّذِي يَنْطِقُ بِهِ، وَقَلْبَهُ الَّذِي يَعْقِلُ بِهِ، إِنْ سَأَلَنِي أَعْطَيْتُهُ، وَإِنْ دَعَانِي أَجَبْتُهُ، وَمَا تَرَدَّدْتُ عَنْ شَيْءٍ أَنَا فَاعِلُهُ كَتَرَدُّدِي عَنْ مَوْتِهِ، وَذَلِكَ أَنَّهُ يَكْرَهُهُ وَأَنَا أَكْرَهُ مَسَاءَتَهُ " .
هَذَا إِسْنَادٌ ضَعِيفٌ؛ لِضَعْفِ يُوسُفَ بْنِ خَالِدٍ السَّمْتِيِّ الْبَصْرِيِّ، قَالَ فِيهِ ابْنُ مَعِينٍ: كَذَّابٌ زِنْدِيقٌ، لَا يُكْتَبُ حَدِيثُهُ. وَقَالَ أَبُو حَاتِمٍ: أَنَكَرْتُ قَوْلَ ابْنِ مَعِينٍ: زِنْدِيقٌ، حَتَّى حُمِلَ إِلَيَّ كِتَابٌ قَدْ وَضَعَهُ فِي التَّجَهُّمِ يُنْكِرُ فِيهِ الْمِيزَانَ وَالْقِيَامَةَ، فَعَلِمْتُ أَنَّ ابْنَ مَعِينٍ لَا يَتَكَلَّمُ إِلَّا عَنْ بَصِيرَةٍ وَفَهْمٍ، وَهُوَ ذَاهِبُ الْحَدِيثِ. وَقَالَ الْبُخَارِيُّ وَأَبُو دَاوُدَ وَابْنُ (مَعْمَرٍ ): كَذَّابٌ. وَقَالَ ابْنُ حِبَّانَ: كَانَ يَضَعُ الْأَحَادِيثَ عَلَى الْأَشْيَاخِ وَيَقْرَؤُهَا عَلَيْهِمْ، لَا تَحِلُّ الرِّوَايَةُ عَنْهُ.سیدہ میمونہ رضی اللہ عنہا سے روایت ہے کہ رسول اللہ ﷺ نے فرمایا: ”اللہ تبارک و تعالیٰ نے ارشاد فرمایا ہے: ”جس نے میرے کسی ولی کو اذیت دی، اس نے میرے ساتھ اعلانِ جنگ کو واجب کر لیا، اور میرا بندہ میرے فرائض کی ادائیگی سے بڑھ کر کسی ایسی چیز کے ذریعے میرا قرب حاصل نہیں کرتا جو مجھے محبوب ہو، اور میرا بندہ مسلسل نوافل کے ذریعے میرا قرب حاصل کرتا رہتا ہے یہاں تک کہ میں اس سے محبت کرنے لگتا ہوں، پھر جب میں اس سے محبت کرتا ہوں تو میں اس کا وہ پاؤں بن جاتا ہوں جس سے وہ چلتا ہے، اس کا وہ ہاتھ بن جاتا ہوں جس سے وہ پکڑتا ہے، اس کی وہ زبان بن جاتا ہوں جس سے وہ کلام کرتا ہے اور اس کا وہ دل بن جاتا ہوں جس سے وہ سمجھ بوجھ رکھتا ہے، اگر وہ مجھ سے سوال کرے تو میں اسے ضرور عطا کرتا ہوں اور اگر وہ مجھے پکارے تو میں اس کی پکار قبول کرتا ہوں، اور میں نے جس کام کو کرنا چاہا اس میں کبھی ایسا تردد نہیں کیا جیسا کہ مومن کی جان قبض کرنے میں کیا، وہ موت کو ناپسند کرتا ہے اور میں اسے رنجیدہ کرنا ناپسند کرتا ہوں“۔
یہ سند یوسف بن خالد سمتی بصری کے ضعیف ہونے کی وجہ سے کمزور ہے، امام ابن معین رحمہ اللہ نے ان کے متعلق فرمایا کہ وہ پرلے درجے کا جھوٹا اور زندیق ہے، اس کی حدیث نہیں لکھی جائے گی، امام ابو حاتم رحمہ اللہ فرماتے ہیں کہ میں امام ابن معین رحمہ اللہ کے انہیں زندیق کہنے پر معترض تھا یہاں تک کہ میرے پاس ایک کتاب لائی گئی جو اس راوی نے جہمی افکار پر لکھی تھی جس میں میزان اور قیامت کا انکار کیا گیا تھا، تب میں نے جانا کہ ابن معین رحمہ اللہ پوری بصیرت کے ساتھ کلام کرتے ہیں اور یہ راوی ساقط الحدیث ہے، نیز امام بخاری، امام ابو داؤد اور ابن معمر رحمہم اللہ نے اسے کذاب کہا ہے اور امام ابن حبان رحمہ اللہ فرماتے ہیں کہ وہ اساتذہ کے نام سے حدیثیں گھڑتا اور انہیں پڑھ کر سناتا تھا، اس سے روایت کرنا حلال نہیں ہے۔