❮
❯
حدیث نمبر: 5022
وَعَنْ ثَعْلَبَةَ بْنِ زَهْدَمٍ الْحَنْظَلِيِّ قَالَ: " قَدِمَ عَلَى رَسُولِ اللَّهِ صَلَّى اللَّهُ عَلَيْهِ وَسَلَّمَ نَفَرٌ مِنْ تَمِيمٍ، قَالَ: فَانْتَهَيْنَا إِلَيْهِ وَهُوَ يَقُولُ: يَدُ الْمُعْطِي الْعُلْيَا، وَابْدَأْ بِمَنْ تَعُولُ: أُمَّكَ وَأَبَاكَ، وَأُخْتَكَ وَأَخَاكَ، ثُمَّ أَدْنَاكَ أَدْنَاكَ.
فَقَامَ رَجُلٌ مِنَ الْأَنْصَارِ فَقَالَ: يَا رَسُولَ اللَّهِ، هَؤُلَاءِ بَنُو ثَعْلَبَةَ بْنِ يَرْبُوعٍ الَّذِينَ أَصَابُوا فُلَانًا فِي الْجَاهِلِيَّةِ، فَهَتَفَ النَّبِيُّ صَلَّى اللَّهُ عَلَيْهِ وَسَلَّمَ : أَلَا لَا تَجْنِي نَفْسٌ عَلَى أُخْرَى " .
رَوَاهُ أَبُو بَكْرِ بْنُ أَبِي شَيْبَةَ ، وَرُوَاتُهُ ثِقَاتٌ.
ترجمہ

ثعلبہ بن زہدم الحنظلی سے روایت ہے کہ قبیلہ تمیم کے کچھ لوگ رسول اللہ ﷺ کی خدمت میں حاضر ہوئے، وہ بیان کرتے ہیں کہ جب ہم آپ ﷺ کے پاس پہنچے تو آپ ﷺ فرما رہے تھے: ”دینے والے کا ہاتھ بلند ہوتا ہے، اور (صدقہ و خیرات کا) آغاز ان لوگوں سے کرو جن کی کفالت تمہارے ذمہ ہے: یعنی تمہاری ماں، تمہارا باپ، تمہاری بہن اور تمہارا بھائی، پھر جو تمہارے زیادہ قریب ہوں اور پھر جو ان کے قریب ہوں“، اسی اثنا میں انصار میں سے ایک شخص کھڑا ہوا اور عرض کیا: اے اللہ کے رسول! یہ بنو ثعلبہ بن یربوع ہیں جنہوں نے جاہلیت کے زمانے میں فلاں شخص کو قتل کیا تھا، تو نبی کریم ﷺ نے بلند آواز سے پکار کر فرمایا: ”آگاہ ہو جاؤ! کوئی بھی جان کسی دوسری جان کے جرم کا بوجھ نہیں اٹھائے گی“، اسے امام ابوبکر بن ابی شیبہ نے روایت کیا ہے اور اس کے تمام راوی ثقہ ہیں۔

حوالہ حدیث إتحاف الخيرة المهرة بزوائد المسانيد العشرة / كتاب البر والصلة / حدیث: 5022
درجۂ حدیث محدثین: رجاله ثقات
تخریج حدیث «رواه أبو بكر بن أبي شيبة ، ورواته ثقات»
«أخرجه مسند أحمد برقم: 22691»