کتب حدیث ›
فضائل الصحابة › ابواب
› باب: (جعد بن بعجہ کے سیدنا علی رضی اللہ عنہ پر اعتراض اور ان کے جواب کا بیان)۔
حَدَّثَنَا عَبْدُ اللَّهِ ، قَالَ: حَدَّثَنِي أَبِي ، قَثَنَا حُسَيْنُ بْنُ مُحَمَّدٍ ، قَثَنَا شَرِيكٌ ، عَنْ أَبِي الْمُغِيرَةِ، وَهُوَ عُثْمَانُ بْنُ الْمُغِيرَةِ ، عَنْ زَيْدِ بْنِ وَهْبٍ ، قَالَ: قَدِمَ عَلِيٌّ عَلَى وَفْدٍ مِنْ أَهْلِ الْبَصْرَةِ مِنْهُمْ رَجُلٌ مِنْ رُءُوسِ الْخَوَارِجِ يُقَالُ لَهُ الْجَعْدُ بْنُ بَعْجَةَ ، فَخَطَبَ النَّاسَ فَحَمِدَ اللَّهَ وَأَثْنَى عَلَيْهِ وَقَالَ: يَا عَلِيُّ، اتَّقِ اللَّهَ فَإِنَّكَ مَيِّتٌ، وَقَدْ عَلِمْتَ سَبِيلَ الْمُحْسِنِ، يَعْنِي بِالْمُحْسِنِ عُمَرَ ، ثُمَّ قَالَ: إِنَّكَ مَيِّتٌ، فَقَالَ عَلِيٌّ: كَلَّا وَالَّذِي نَفْسِي بِيَدِهِ، بَلْ مَقْتُولٌ قَتْلًا ضَرْبَةً عَلَى هَذَا يُخَضَّبُ، هَذِهِ قَضَاءٌ مَقْضِيٌّ، وَعَهْدٌ مَعْهُودٌ، وَقَدْ خَابَ مَنِ افْتَرَى، ثُمَّ عَاتَبَهُ فِي لَبُوسِهِ فَقَالَ: مَا يَمْنَعُكَ أَنْ تَلْبَسَ؟ قَالَ: مَا لَكَ وَلِلَبُوسِي، إِنَّ لَبُوسِي هَذَا أَبْعَدُ مِنَ الْكِبْرِ وَأَجْدَرُ أَنْ يَقْتَدِيَ بِهِ الْمُسْلِمُ.
ترجمہ
زید بن وہب رحمہ اللہ بیان کرتے ہیں کہ سیدنا علی رضی اللہ عنہ بصرہ کے ایک وفد کے پاس تشریف لائے جن میں خارجیوں کے سرداروں میں سے الجعد بن بعجہ نامی ایک شخص بھی شامل تھا؛ اس نے لوگوں کو خطاب کیا، اللہ کی حمد و ثنا بیان کی اور کہا: ”اے علی! اللہ سے ڈریں کیونکہ آپ کو موت آنی ہے، اور آپ محسن (یعنی سیدنا عمر رضی اللہ عنہ) کا راستہ تو جان ہی چکے ہیں۔“ پھر اس نے (دوبارہ) کہا: ”یقیناً آپ کو موت آئے گی۔“ تو سیدنا علی رضی اللہ عنہ نے فرمایا: ”ہرگز نہیں! اس ذات کی قسم جس کے ہاتھ میں میری جان ہے، بلکہ میں قتل کیا جاؤں گا؛ اس (پیشانی) پر ایسی ضرب لگے گی جس سے یہ (داڑھی) خون سے رنگین ہو جائے گی؛ یہ اللہ کا طے شدہ فیصلہ اور ایک موکد عہد ہے، ﴿ وَقَدْ خَابَ مَنِ افْتَرَى ﴾ ”اور وہ شخص نامراد ہوا جس نے جھوٹا بہتان باندھا۔““ پھر اس نے آپ کے لباس پر اعتراض کرتے ہوئے کہا: ”آپ کو (بہتر) لباس پہننے سے کیا چیز روکتی ہے؟“ آپ نے فرمایا: ”تجھے میرے لباس سے کیا غرض؟ میرا یہ لباس تکبر سے بہت دور اور اس لائق ہے کہ مسلمان اس کی پیروی کریں۔“
حَدَّثَنَا عَبْدُ اللَّهِ ، قَالَ: أَنَا عَلِيُّ بْنُ حَكِيمٍ ، قَالَ: أَنَا شَرِيكٌ ، عَنْ عُثْمَانَ بْنِ أَبِي زُرْعَةَ ، عَنْ زَيْدٍ ، قَالَ: قَدِمَ عَلِيٌّ عَلَى قَوْمٍ مِنْ أَهْلِ الْبَصْرَةِ مِنَ الْخَوَارِجِ فِيهِمْ رَجُلٌ يُقَالُ لَهُ الْجَعْدُ بْنُ بَعْجَةَ، فَقَالَ لَهُ: اتَّقِ اللَّهَ يَا عَلِيُّ؛ فَإِنَّكَ مَيِّتٌ، فَقَالَ عَلِيٌّ: بَلْ مَقْتُولٌ قَتْلًا ضَرْبَةً عَلَى هَذَا، تُخَضِّبُ هَذِهِ، يَعْنِي لِحْيَتَهُ وَرَأْسَهُ، عَهْدٌ مَعْهُودٌ، وَقَضَاءٌ مَقْضِيٌّ، وَقَدْ خَابَ مَنِ افْتَرَى، وَعَاتَبَهُ فِي لِبَاسِهِ فَقَالَ: مَا لَكُمْ وَلِلِبَاسِي؟ هُوَ أَبْعَدُ مِنَ الْكِبْرِ، وَأَجْدَرُ أَنْ يَقْتَدِيَ بِيَ الْمُسْلِمُ.
ترجمہ
زید رحمہ اللہ بیان کرتے ہیں کہ سیدنا علی رضی اللہ عنہ بصرہ کے خارجیوں کی ایک جماعت کے پاس تشریف لائے جن میں جعد بن بعجہ نامی ایک شخص بھی تھا۔ اس نے آپ سے کہا: ”اے علی! اللہ سے ڈرو، کیوں کہ تم نے بہرحال مرنا ہے۔“ سیدنا علی رضی اللہ عنہ نے فرمایا: ”بلکہ میں تو قتل کیا جاؤں گا؛ اس (سر) پر ایسی ضرب لگے گی جو اسے (داڑھی کو) خون سے رنگ دے گی“، یعنی آپ نے اپنی داڑھی اور سر کی طرف اشارہ فرمایا، (پھر فرمایا:) ”یہ وہ عہد ہے جو (رسول اللہ ﷺ کی جانب سے) کیا جا چکا ہے اور وہ فیصلہ ہے جو (تقدیر میں) طے پا چکا ہے، ﴿وَقَدْ خَابَ مَنِ افْتَرَى﴾ ”اور یقیناً وہ شخص نامراد ہوا جس نے جھوٹ گھڑا۔““ اس شخص نے آپ کے لباس پر بھی اعتراض کیا تو آپ نے فرمایا: ”تمہیں میرے لباس سے کیا سروکار؟ یہ تکبر سے بہت دور رکھنے والا ہے اور اس لائق ہے کہ مسلمان اس میں میری اقتدا کرے۔“