فضائل الصحابة
فضائل عثمان بن عفان رضي الله عنه— سیدنا عثمان بن عفان رضی اللہ عنہ کے فضائل کا بیان۔
(بَابُ إِخْبَارِ النَّبِيِّ صَلَّى اللَّهُ عَلَيْهِ وَسَلَّمَ بِالْفِتْنَةِ وَأَنَّ عُثْمَانَ يَوْمَئِذٍ عَلَى الْهُدَى) باب: (نبی ﷺ کی طرف سے فتنے کی خبر دینے اور اس وقت سیدنا عثمان رضی اللہ عنہ کے ہدایت پر ہونے کا بیان)۔
حدیث نمبر: 722
حَدَّثَنَا أَبِي ، قَثَنَا يَزِيدُ بْنُ هَارُونَ قَالَ أَنَا هِشَامٌ ، عَنْ مُحَمَّدٍ ، عَنْ كَعْبِ بْنِ عُجْرَةَ ، قَالَ: كُنْتُ عِنْدَ رَسُولِ اللَّهِ صَلَّى اللهُ عَلَيْهِ وَسَلَّمَ فَذَكَرَ فِتْنَةً فَقَرَّبَهَا، فَمَرَّ رَجُلٌ مُتَقَنِّعٌ فَقَالَ: "هَذَا يَوْمَئِذٍ عَلَى الْهُدَى" ، قَالَ: فَاتَّبَعْتُهُ حَتَّى أَخَذْتُ بِضَبْعَيْهِ فَحَوَّلْتُ وَجْهَهُ إِلَيْهِ وَكَشَفْتُ عَنْ رَأْسِهِ فَقُلْتُ: هَذَا يَا رَسُولَ اللَّهِ؟ قَالَ: "نَعَمْ" ، فَإِذَا هُوَ عُثْمَانُ بْنُ عَفَّانَ. ترجمہ
سیدنا کعب بن عجرہ رضی اللہ عنہ سے روایت ہے کہ انہوں نے فرمایا: ”میں رسول اللہ ﷺ کے پاس موجود تھا کہ آپ ﷺ نے ایک فتنے کا تذکرہ فرمایا اور اسے بہت قریب بتایا، اسی دوران ایک شخص گزرا جس نے (کپڑے سے) اپنا سر اور چہرہ ڈھانپ رکھا تھا، تو آپ ﷺ نے فرمایا: ”یہ شخص اس دن ہدایت پر ہو گا۔“ میں اس کے پیچھے ہو لیا یہاں تک کہ میں نے اسے بازوؤں سے پکڑ لیا اور اس کا رخ آپ ﷺ کی جانب پھیرا اور اس کے سر سے کپڑا ہٹا کر عرض کیا: ”اے اللہ کے رسول! کیا یہ وہی شخص ہے؟“ آپ ﷺ نے فرمایا: ”ہاں۔“ تو دیکھا کہ وہ سیدنا عثمان بن عفان رضی اللہ عنہ تھے۔“