❮
❯
حدیث نمبر: 436
حَدَّثَنَا عَبْدُ اللَّهِ ، قَالَ: حَدَّثَنِي أَبِي، قَثَنَا مُحَمَّدُ بْنُ جَعْفَرٍ ، قَثَنَا شُعْبَةُ ، قَالَ: سَمِعْتُ أَبَا جَمْرَةَ الضُّبَعِيَّ يُحَدِّثُ، عَنْ جُوَيْرِيَةَ بْنِ قُدَامَةَ ، قَالَ: حَجَجْتُ فَأَتَيْتُ الْمَدِينَةَ الْعَامَ الَّذِي أُصِيبَ فِيهِ عُمَرُ ، قَالَ: فَخَطَبَ فَقَالَ: إِنِّي رَأَيْتُ كَأَنَّ دِيكًا نَقَرَنِي نَقْرَةً أَوْ نَقْرَتَيْنِ، شُعْبَةُ الشَّاكُّ، فَكَانَ مِنْ أَمْرِهِ أَنْ طُعِنَ، فَأَذِنَ لِلنَّاسِ عَلَيْهِ، فَكَانَ أَوَّلَ مَنْ دَخَلَ عَلَيْهِ أَصْحَابُ النَّبِيِّ صَلَّى اللهُ عَلَيْهِ وَسَلَّمَ مِنْ أَهْلِ الْمَدِينَةِ، ثُمَّ أَهْلُ الشَّامِ، ثُمَّ أَذِنَ لِأَهْلِ الْعِرَاقِ، فَدَخَلْتُ فِيمَنْ دَخَلَ، قَالَ: وَكَانَ كُلَّمَا دَخَلَ عَلَيْهِ قَوْمٌ، أَثْنَوْا عَلَيْهِ وَبَكَوْا، قَالَ: فَلَمَّا دَخَلْنَا عَلَيْهِ قَالَ: وَقَدْ عَصَبَ بَطْنَهُ بِعِمَامَةٍ سَوْدَاءَ وَالدَّمُ يَسِيلُ، قَالَ: فَقُلْنَا: أَوْصِنَا، قَالَ: وَمَا سَأَلَهُ الْوَصِيَّةَ غَيْرُنَا، فَقَالَ: عَلَيْكُمْ بِكِتَابِ اللَّهِ، فَإِنَّكُمْ لَنْ تَضِلُّوا مَا اتَّبَعْتُمُوهُ، فَقُلْنَا: أَوْصِنَا، قَالَ: أُوصِيكُمْ بِالْمُهَاجِرِينَ؛ فَإِنَّ النَّاسَ سَيَكْثُرُونَ وَيَقِلُّونَ، فَأُوصِيكُمْ بِالْأَنْصَارِ؛ فَإِنَّهُمْ شِعْبُ الْإِسْلَامِ الَّذِي لَجَأَ إِلَيْهِ، وَأُوصِيكُمْ بِالْأَعْرَابِ؛ فَإِنَّهُمْ أَهْلُكُمْ وَمَادَّتُكُمْ، وَأُوصِيكُمْ بِأَهْلِ ذِمَّتِكُمْ؛ فَإِنَّهُمْ عَهْدُ نَبِيِّكُمْ وَرِزْقُ عِيَالِكُمْ، قُومُوا عَنِّي، قَالَ: فَمَا زَادَنَا عَلَى هَؤُلَاءِ الْكَلِمَاتِ .
قَالَ: مُحَمَّدٌ قَالَ شُعْبَةُ : ثُمَّ سَأَلْتُهُ بَعْدَ ذَلِكَ، فَقَالَ فِي الْأَعْرَابِ: وَأُوصِيكُمْ بِالْأَعْرَابِ؛ فَإِنَّهُمْ إِخْوَانُكُمْ وَعَدُوُّ عَدُوِّكُمْ.
ترجمہ

جویریہ بن قدامہ رحمہ اللہ بیان کرتے ہیں کہ میں نے حج کیا اور اس سال مدینہ آیا جس میں سیدنا عمر رضی اللہ عنہ پر حملہ کیا گیا تھا۔
انہوں نے (حملے سے پہلے) خطبہ دیا اور فرمایا: ”میں نے خواب دیکھا ہے کہ گویا ایک مرغ نے مجھے ایک یا دو بار ٹھونگ ماری ہے۔“ (راویِ حدیث شعبہ رحمہ اللہ کو ایک یا دو میں شک ہے)۔
پھر وہ واقعہ پیش آیا کہ آپ کو زخمی کر دیا گیا، تو آپ نے لوگوں کو اپنے پاس آنے کی اجازت دی۔ سب سے پہلے مدینہ کے رہنے والے نبی ﷺ کے صحابہ رضی اللہ عنہم داخل ہوئے، پھر اہل شام، پھر اہل عراق کو اجازت دی گئی تو میں بھی داخل ہونے والوں کے ساتھ اندر گیا۔
جویریہ رحمہ اللہ کہتے ہیں کہ جب بھی کوئی گروہ آپ کے پاس آتا، وہ آپ کی تعریف کرتا اور روتا۔ جب ہم آپ کے پاس پہنچے تو آپ نے اپنے پیٹ پر کالی پگڑی باندھ رکھی تھی اور خون بہہ رہا تھا۔
ہم نے عرض کی: ”ہمیں وصیت فرمائیے۔“ جویریہ رحمہ اللہ کہتے ہیں کہ ہمارے علاوہ کسی اور نے آپ سے وصیت کا مطالبہ نہیں کیا تھا۔
آپ نے فرمایا: ”تم اللہ کی کتاب کو لازم پکڑو، کیونکہ جب تک تم اس کی اتباع کرو گے کبھی گمراہ نہیں ہو گے۔“ ہم نے پھر عرض کی: ”ہمیں (مزید) وصیت فرمائیے۔“ آپ نے فرمایا: ”میں تمہیں مہاجرین کے بارے میں وصیت کرتا ہوں، کیونکہ عنقریب (دیگر) لوگ بڑھ جائیں گے اور وہ کم رہ جائیں گے۔ میں تمہیں انصار کے بارے میں وصیت کرتا ہوں، کیونکہ وہ اسلام کا وہ قلعہ ہیں جہاں اسلام نے پناہ لی۔ میں تمہیں دیہاتیوں کے بارے میں وصیت کرتا ہوں کیونکہ وہ تمہاری اصل اور تمہاری قوت کا مادہ ہیں۔ اور میں تمہیں اپنے ذمیوں کے بارے میں وصیت کرتا ہوں کیونکہ وہ تمہارے نبی ﷺ کا عہد و ذمہ ہیں اور تمہارے اہل و عیال کے لیے رزق کا ذریعہ ہیں۔ اب تم میرے پاس سے اٹھ جاؤ۔“
جویریہ رحمہ اللہ کہتے ہیں کہ آپ نے ہمیں ان کلمات سے زیادہ کچھ نہ فرمایا۔
محمد بن جعفر رحمہ اللہ کہتے ہیں کہ شعبہ رحمہ اللہ نے فرمایا: ”پھر میں نے بعد میں ان (ابو جمرہ رحمہ اللہ) سے پوچھا تو انہوں نے دیہاتیوں کے متعلق (یہ الفاظ) کہے: «وَأُوصِيكُمْ بِالْأَعْرَابِ؛ فَإِنَّهُمْ إِخْوَانُكُمْ وَعَدُوُّ عَدُوِّكُمْ» ”اور میں تمہیں دیہاتیوں کے بارے میں وصیت کرتا ہوں؛ کیونکہ وہ تمہارے بھائی ہیں اور تمہارے دشمن کے دشمن ہیں۔““

حوالہ حدیث فضائل الصحابة / فضائل أمير المؤمنين عمر بن الخطاب رضي الله عنه / حدیث: 436
درجۂ حدیث محدثین: صحيح
تخریج حدیث «حکم الحدیث فضائل الصحابہ محققاً تنسیق وصي الله بن محمد عباس - مکتبہ شاملہ :قال وصي الله عباس: صحيح . . »
«صحيح مسلم: 1/ 396، مسند الامام احمد: 1/ 15، 27، 48، الطبقات الكبريٰ لابن سعد: 3/ 336»